Eneide in genovese — Libro 1 | Traduzione di Nicolò Bacigalupo

Appenn-a han visto Enea tiâ sciû ö mandillo

Appena hanno visto Enea tirar fuori il fazzoletto

Sciûsciase ö naso e mettise a scraccâ,

Soffiarsi il naso e mettersi a scracchiare,

Tutti han çercôu dove pösâ ö bacillo,

Tutti han cercato dove posare il sedere,

Pe sentilo ciû comodi a parlâ.

Per sentirlo più comodi parlare.

Quando l'é stæto ognûn quieto e tranquillo

Quando ognuno si è messo quieto e tranquillo

Che se pûeiva sentî ûnn-a mosca sghæuâ,

Che si poteva sentire una mosca volare,

Enea, dall'äto dö so caregon

Enea, dall'alto del suo cadregone

Ö commensa, c'ûn pö de commozion:

Comincia, con un po' di commozione:

Mi nö fasso pe dî, bèlla reginn-a,

Io non faccio per dire, bella regina,

Ma se parlo, mi ö fasso pe vosciâ

Ma se parlo, lo faccio per vossia

Quando penso ai mæ caxi, ä mæ rovinn-a,

Quando penso ai miei casi, alla mia rovina,

A morte de Creûsa e dö pappâ,

Alla morte di Creusa e del papà,

Mi ghe confesso che n'ho a mussa pinn-a

Io le confesso che ne ho la mussa piena,

Sciâ scûse l'esprescion, ma chi a ghe stâ,

Vossia scusi l'espressione, ma qui ci sta,

E invece de contâ di avvenimenti

E invece di raccontare degli avvenimenti

Mi tieivo zû di tacchi e di aççidenti.

Tirerei giù delle imprecazioni e degli accidenti.

Ma andemmo là, sebben segge za l'ôa

Ma andiamo là, sebbene sia già l'ora

D'andâse a inghœûgge in mezo a duî lensœû,

Di andarsi ad avvolgere in mezzo a due lenzuola,

Benché sente ö magon, serrâme a gôa

Benché senta il magone chiudermi la gola

E me vegne ö sappin comme ai figgiœû,

E mi venga il broncio come ai bambini,

Se sciâ vœû che ghe conte, câ scignôa

Se vossia vuole che glielo racconti, cara signora

Mi m'arrendo e faiô comme sciâ vœû,

Io mi arrendo e farò come lei vuole,

E ghe desteghiô zû tutta a mæ stoia

E le sbroglierò giù tutta la mia storia

E l'incendio terribile de Troia.

E l'incendio terribile di Troia.

Sti bonægia de greci inveninæ

Questa gentaglia di Greci inveleniti

De no pûeinelo mette ciû derë,

Per non potercelo più mettere di dietro,

Doppo avei caccioû via sangue e dinæ

Dopo aver buttato via sangue e denari

Senza costrûto e mette avanti ûn pë,

Senza costrutto e senza fare un passo avanti,

Comme tûtti i batösi e i mandilæ

Come tutti i teppisti e i borsaioli

Han misso man ai færi dö mestë,

Hanno messo mano ai ferri del mestiere,

All'inganno, ai manezzi, all'impostûa:

All'inganno, ai maneggi, all'impostura:

Arti che riescian dacché ö mondo ö dûa!

Arti che riescono da che il mondo dura!

Sciâ s'immagine ûn pô, che han misso man

Lei s'immagini un po', che han messo mano

Con di travi e de tôe ben cömentæ,

Con delle travi e delle tavole ben assestate,

A ûn cavallo che ö l'ëa scinn-a doman,

A un cavallo che non finiva mai,

Äto comme i balûardi da çittæ;

Alto come i baluardi della città;

Poi finzendo, i ruffien, de fûtte ö can,

Poi, fingendo, i ruffiani, di svignarsela,

Han piggioû sporta e færi e son filæ,

Han preso sporta e ferri e se la sono filata,

Ma lasciando i ciû bûlli e i ciû batôsi

ma lasciando i più bulli e i più teppisti

Dentro da pansa dö cavallo ascösi.

Dentro la pancia del cavallo nascosti.

Pe contro a Troia, forse sciâ ö saviâ,

Di fronte a Troia, forse Lei lo saprà,

Gh'é un'isöa comme quella de Berzezzi,

c'è un'isola come quella di Bergeggi,

Ûnn'a votta, fiorente e popolâ,

una volta fiorente e popolata,

Aôa ûn mûggio de sasci, a picco e sgrezzi;

ora un mucchio di sassi, a picco e rocciosi;

I greci, fando mostra de filâ,

i Greci, facendo finta di filare,

Se ghe son fermæ dietro in sce i ormezzi;

si son fermati lì dietro, agli ormeggi;

Noî, cose serve dighe ûnn-a bôxia,

noi, a che serve dirle una bugia,

Semmo stæti bedûin, l'emmo sciorbia!

siamo stati beduini, ce la siamo bevuta!

Sciâ se pœû immaginâ quant'allegria

Lei si può immaginare quanta allegria,

Quanto sciato, che fö, che ramadan!

quanto chiasso, che frastuono, che ramadan!

Stemmo allegri figgiœû che a le finîa,

Stiamo allegri, ragazzi, che è finita,

Sti brûttöî finalmente se ne van!

questi vigliacchi finalmente se ne vanno!

Chi s'abbrassa, chi spaxima, chi cria,

Chi si abbraccia, chi spasima, chi grida,

Chi s'ammalocca, chi se tocca a man,

chi si aggroviglia, chi si stringe la mano,

E chi sâta, chi balla, chi sgambetta,

e chi salta, chi balla, chi sgambetta,

Chi cianze da-o piaxei, chi s'incicchetta!

chi piange dal piacere, chi si sbronza!

Comme quande se sente ö campanin

Come quando si sente la campanella

Che ö l'é ö segno dö termine da schœûa

che è il segnale della fine della scuola,

Tûtti quanti i scolai, grendi e piccin,

tutti quanti gli scolari, grandi e piccini,

S'asbrian, se spuncian, pe sciortî de fœûa,

si precipitano, si spingono per uscire fuori,

Pensando za a-e delizie dö scrollin,

pensando già alle delizie dello scrollin,

Dö pampano e da lippa all'Accassœûa,

del pampano e della lippa all'Acquasola,

Cosî noi, quæxi imbriæghi, invexendæ

così noi, quasi ubriachi, in subbuglio,

S'asbriemmo a futti cû, fœûa da çittæ

ci precipitammo a rotta di collo, fuori dalla città.

E lì tûtti pe-o campo abbandonoû

E lì tutti per il campo abbandonato,

Chi da ûn canto e dall'âltro a frûgattâ;

Chi da un canto e chi dall'altro a frugare;

Chi gh'ëa e navi, se dîva, chi accampoû

Qui c'erano le navi, si diceva, qui accampato

Gh'ëa Diomede, chi quello mandilâ

C'era Diomede, qui quel borsaiolo

D'Ulisse, chi Achille ö se retioû;

Di Ulisse, qui Achille si era ritirato;

Chi gh'ëa ö stato maggiö, chi gh'ëa l'armâ,

Qui c'era lo stato maggiore, qui c'era l'armata,

Chi gh'ëa a primma caxon dö noströ gûao

Qui c'era la causa prima dei nostri guai:

Quello becco fottûo de Menelao

Quel becco fottuto di Menelao.

Ma tûtti da-o cavallo s'ëan fermæ,

Ma tutti dal cavallo si erano fermati,

E ciascûn tiava a mezo a so opinion,

E ciascuno tirava a mezzo la sua opinione,

Chi vueiva tiâlo dentro da çittæ,

Chi voleva tirarlo dentro alla città,

Chi dâghe fœûgo sensa remiscion,

Chi dargli fuoco senza pietà,

Chi scì, chi nö, s'ëan tanto inveninæ,

Chi sì, chi no, si erano talmente inveleniti,

Da dâse dö brütô, dö belinon

Da darsi del vigliacco, del belinone,

E ö cæto ö s'ëa za fæto coscì grosso,

E il putiferio si era già fatto così grande,

Che se stavan pe mette e man addosso.

Che stavano per mettersi le mani addosso

Tutt'assemme Laoconte, ûn de comando,

Tutt'a un tratto Laocoonte, uno di comando,

Che ö l'aveiva ciù musse che dinæ,

Che aveva più musse che denari,

Ö s'asbria in sce a ciassa giastemmando

Si precipita sulla piazza bestemmiando,

Co-a faccia rössa e i œûggi stralûnæ;

Con la faccia rossa e gli occhi stralunati;

E comme a l'é st'affare, ö cria, da quando

E com'è questo affare", grida, "da quando

Séi vegnûi coscì nesci, abbelinæ?

Siete diventati così scemi, abbelinati?

E piggiæ pe beduin quelle pellisse

E prendete per beduini quelle pellacce

De greci e quello mandilâ d'Ulisse?

Dei Greci e quel borsaiolo d'Ulisse?"

Cose gh'é? cose fæ? ma in mæ davvei

Cosa c'è? Cosa fate? Ma per davvero

Me pâ che raxonæ dall'ombrisallo

Mi pare che ragioniate con l'ombelico!

Ma comme se pœû dâ che nö veddei

Ma com'è possibile che non vediate

Per côse han lascioû chi questo cavallo?

Perché hanno lasciato qui questo cavallo?

Ma nö fæ da figgiœû, fæme ö piaxei,

Ma non fate i bambini, fatemi il piacere,

Mandæ a fâ fûtte i greci e ö so regallö,

Mandate a farsi fottere i Greci e il loro regalo,

Per mi, tant'è l'affare a no l'é liscia

Per me, tanto è, la faccenda non è liscia,

E in Troia stö cavallo ö nö ghe piscia.

E in Troia questo cavallo non ci piscia!

E coscì, senza azzunze ûnn'a parolla

E così, senza aggiungere una parola

Ö te piggia l'amîa con a so lansa,

Prende la mira con la sua lancia,

E con tûtta a so forza ö te ghe-a molla

E con tutta la sua forza gliela ammolla

Che a se ghe va a ciantâ drita in ta pansa;

Che le si va a piantare dritta nella pancia;

Ö cavallo dä botta, ö scroscie, ö scrolla,

Il cavallo per il colpo, scricchiola, trema,

E ö rimbomba con tanta risonanza,

E rimbomba con tanta risonanza,

Che ghe vœiva ûnn-a manega de matti,

Che ci voleva una manica di matti,

Pê nö vedde che ö l'ëa pin de sordatti.

Per non vedere che era pieno di soldati

Tutt'assemme ûnn-a strœûppa de paisen

Tutti assieme un gruppo di paesani

Portan davanti a-o re, che ö l'ëa arrivoû,

Portano davanti al re, che era arrivato,

Ûn zûenotto co-a faccia da putten,

Un giovanotto con la faccia da angioletto,

Streito comme ûn salamme e ammanettoû;

Stretto come un salame e ammanettato;

Ö l'ëa ascoso, dixeivan, in tö fen,

Era nascosto, dicevano, nel fieno,

E appenn-a che l'han visto, ö se mostroû,

E appena lo hanno visto, si è fatto avanti,

E lö da asperti, pe savei chi ö fösse,

E loro da navigati, per sapere chi fosse,

Te l'han ligoû senza fâ tante mösse

Te l'hanno legato senza fare tante storie.

Stö zûenotto, ö l'ëa ûn greco, che d'inteisa

Questo giovanotto era un Greco, che d'intesa

Con quella remenâ de mandilæ,

Con quella masnada di borsaioli,

Morto pe morto, ö s'ëa piggioû l'impreisa

Morto per morto, si era preso l'incarico

De fâli cö cavallo, intrâ in çittæ.

Di farli, con il cavallo, entrare in città.

Aôa attenta, scignöa, che chi ghe a speisa

Ora attenta, signora, che qui viene il bello:

Sciâ sente che regîö, che abilitæ!

Senta che raggiro, che abilità!

E da stö greco sciâ i conosce tûtti,

E da questo greco lei li conosce tutti,

Cose son sti ruffien, sti farabûtti

Cosa sono sti ruffiani, sti farabutti.

Quande l'han visto, mi ghe lascio dî!

Quando l'hanno visto, le lascio dire!

Ghe vosciûo i savi e i matti pe salvalö!

Ci son voluti i savi e i matti per salvarlo!

Lascian tûtti ö cavallo, pe corrî

Lasciano tutti il cavallo, per correre

A veddilo dappresso, a circondalo;

A vederlo da vicino, a circondarlo;

Vœûan vedde tûtti, tûtti sta a sentî,

Volevano vedere tutti, tutti stare a sentire,

Dîghe tûtti ûnn-a cosa e cuggionalo

Dirgli tutti qualcosa e coglionarlo

E lé o strenzeiva ö cû dâ scagabûggia

E lui stringeva il culo per la caga

Da nö pöeighe ciû infiâ mancö ûn'agûggia.

Da non poterci più infilare manco un aghetto.

Poi, ö se misso a criâ: Poviö Schenön!

Poi, si è messo a gridare: "Povero Schenone!

Te ghe l'han proprio missö e rebattûo,

Ti ce l'hanno proprio messo e ribattuto,

I troien, me vœan morto, e con raxön,

I Troiani mi vogliono morto, e con ragione,

I mæ conçittadin, m'han zà fottûo,

I miei concittadini mi hanno già fottuto,

Vöî dæghe ö restö senza compasciön,

Voi date il resto senza compassione,

Ammazzæme figgiœû, che ve sprezûo,

Ammazzatemi ragazzi, ve lo giuro,

Me ciû cao de finîla in t'ûnn-a votta,

Mi è più caro farla finita in una volta sola,

Che provâ questo spaximo de potta!

Che provare questo spasimo di potta!"

Ö l'aveiva ö singûlto, ö crescentin,

Aveva il singulto, il singhiozzo,

Ö tegniva ö respïo comme i figgiœû

Tratteneva il respiro come i bambini

Tanto che ö Re con tûtti i çittadin,

Tanto che il Re con tutti i cittadini,

Ch'ëan za prönti a crövilo de rissœû,

Che erano già pronti a coprirlo di sassate,

N'han avûo compasciön; divan: meschin,

Ne hanno avuto compassione; dicevano: "meschino,

Andæ là, n'aggiæ püia, fæve dö chœû,

Forza , non abbiate paura, rincuoratevi,"

E inscisteivan, pregandolo che ö disse

E insistevano, pregandolo che dicesse

Cose ö fâva, chi ö l'ëa, donde ö vegnisse.

Cosa faceva, chi era, da dove veniva.

E lë che ö voeiva fâne ingoâ de vesce,

E lui, che voleva farci ingoiare delle frottole,

Rivolgendose a-o re, che ö l'ëa presente:

Rivolgendosi al re, che era presente:

Sciâ no credde, scignor, che mi ghe tesce

"Vossia non creda, signore, che io le tessa

Di romanzi, ö che immagine, che invente;

Dei romanzi, o che mi immagini, che inventi;

Mi son greco, anzi scì, no me rincresce

Io sono greco, anzi sì, non mi rincresce

De dîghelo in sce-a faccia avertamente

Di dirglielo in faccia apertamente

Che mi son ûn bellinön a çento döggie

Che io sono un belinöne cento volte raddoppiato ,

Ma nisciun m'ha mai dito: contacöggie.

Ma nessuno mi ha mai detto: contaballe."

Sciâ l'aviâ, za m'immagino, sentîo

Lei avrà, già m'immagino, sentito

Parlâ de Palamede, rinomoû

Parlare di Palamede, rinomato

Comme ommo valoroso, onesto e ardîo,

Come uomo valoroso, onesto e ardito,

Che i greci per invidia han ammazzoû.

Che i Greci per invidia hanno ammazzato.

Quando lë pe sta guæra ö le partîo,

Quando lui per questa guerra è partito,

Pe vôéntæ dö papà, l'ho accompagnoû;

Per volontà del padre, l'ho accompagnato;

Vivo lë mi ho sciûscioû sempre in coverta

Finché era vivo lui, me la passavo sempre alla grande,

E nisciûn se azzardoû de dâme a berta.

E nessuno si è azzardato a prendermi in giro

Ma lë morto, pe invidia e tradimento.

Ma morto lui, per invidia e tradimento

De quello brûtto mandilâ d'Ulisse,

Di quel brutto borsaiolo di Ulisse,

Mi n'ho sentîo tanto rincrescimento.

Io ne ho provato un tale dispiacere,

Che no saveivo ciû cose me disse!

Che non sapevo più nemmeno io cosa dire!

Ho sbraggioû comme un matto, e mæ zûamento,

Ho sbraitato come un matto, e parola mia

Se no ghe l'ho picchæ, ghe l'ho promisse,

Se non gliele ho picchiate, gliele ho promesse,

L'ho provöcoû, g'ho ditö cose ö l'ea

L'ho provocato, gli ho detto che cosa era:

Pendin da forca, avanzo de galea.

Un pendaglio da forca, un avanzo di galera.

E da quello momento ö s'é sprezûoû

E da quel momento ha giurato

Stö vile, stö brutû, de fame a pelle;

Questo vile, questo vigliacco, di farmi la pelle;

Nö ghe diô, cose ö l'agge immanegoû

Non vi dirò che cosa abbia immaginato

De regii, perché desse in ciampanelle

Di raggiri, perché andasse in ciampanelle (impazzire)

E ö non ha dæto fondo, ö n'ha quietoû,

E non si è fermato, non si è quietato,

Scin che Calcante consûltando e stelle...

Sino a che Calcante consultando le stelle...

Ma cose staggo chi a sciûgaghe e balle?

Ma cosa sto qui ad asciugarvi le balle?

Son chi son, zû unn-a botta, e che a nö falle!

Sono chi sono, giù una botta, e che non fallisca!

Ma noî, za punti dâ cûrioxitæ

Ma noi, già punti dalla curiosità

S'eimo missi a pregalö comme i santi,

Ci eravamo messi a pregarlo come i santi,

Perché ö nö ne lasciesse lì â meitæ

Perché non ci lasciasse lì a metà

Ö se fesse coraggio e ö tiasse avanti,

Si facesse coraggio e andasse avanti,

Saveivimo che i greci ëan mandilæ

Sapevamo che i Greci erano furfanti

E n'aveivimo avûo prœûve bastanti,

E ne avevamo avuto prove bastanti,

Ma quandö pe derê ö s'ha da piggiâ

Ma quando nel di dietro si ha da pigliarlo,

Son tûtte cuggie, no se pœu sarvâ

Son tutte balle, non ci si può salvare

Lë, finzendo ûn momento d'inçertezza,

Lui, fingendo un momento d'incertezza,

Ö se reiso, e coscì ö l'ha continûoû

Si arrese, e così ha continuato:

Stæme dunque a sentî: l'ëa za ûnn-a pezza

"Statemi dunque a sentire: era già da un pezzo

Che fra i greci s'ëa dîto e combinoû

Che fra i Greci si era detto e combinato

De çercâ, con l'andasene a sarvezza,

Di cercare, con l'andarsene, la salvezza,

Vedendo che ö l'ëa ûn caxo disperoû,

Vedendo che era un caso disperato,

Ma e battaglie, a burrasca, a pestilenza

Ma le battaglie, la burrasca, la pestilenza

N'han sempre fætö ritardâ a partenza;

Ci hanno sempre fatto ritardare la partenza;"

Aôa poi, ch'ëan decisi de filâ,

Ora poi, che erano decisi a filarsela,

Prontö ö cavallo e i ordini za dæti

Pronto il cavallo e gli ordini già dati,

Se mette torna ö vento de meistrâ

Si alza di nuovo il vento di maestrale

E besœûgna stâ lì, cöi baûli fæti;

E bisogna stare lì, coi bauli fatti;

Ma sciccome nö gh'ëa da zinzannâ

Ma siccome non c'era da cincischiare

Pe poi no se trovâ torna in ti cæti,

Per non trovarsi poi di nuovo nei guai,

Euripilo han spedìo, perché ö sentisse

Hanno spedito Euripilo, perché sentisse

L'oracolo de Delfo cose ö disse;

l'oracolo di Delfi cosa dicesse;

E a risposta ve a chì: se pe vegnî

E la risposta eccola qui: se per venire

Aveivan piggioû a pelle a ûnn-a zûenotta,

Avevano fatto la pelle a una giovanotta,

Aôa poi che l'ëa ö caxo de partî,

Ora poi che era il caso di partire,

Besœûgnava fâ come l'atra votta,

Bisognava fare come l'altra volta,

Ma co-a diverscitæ... miæ che brûtûi,

Ma con la differenza... guardate che bruttura,

Che ghe vueiva ûn belin, non ûnn-a potta,

Che ci voleva un belino, non una potta,

Cioè pe parlâ comme se fa in famiggia

Cioè, per parlare come si fa in famiglia,

Ghe sæiva vosciûo ûn masccio e nö ûnn-a figgia.

Ci sarebbe voluto un maschio e non una ragazza.

Quande se propaloû questo verdetto

Quando si propagò questo verdetto

Ognidûn se sentîo strenze o panê

Ognuno si sentì stringere il paniere,

No savendose ancon chi sæ l'eletto

Non sapendosi ancora chi sia l'eletto

E temendo ognidûn d'esilo lë,

E temendo ognuno di esserlo lui;

Ma mi poi, che saveivo da ûn pessetto

Ma io poi, che sapevo da un pezzetto

Che çercavan de mettiméo derê,

Che cercavano di mettermelo di dietro,

No me ghe vosciûo gûæi a mangiâ a lamma

Non ci ho messo molto a mangiar la foglia

E a vedde ûn tiö de quello pellegramma.

E a vederci un tiro mancino di quel pellegrama.

E de fæto, Calcante, interrogoû

E di fatto, Calcante, interrogato

(A l'ëa cosa za inteisa e combinâ)

(Era una cosa già intesa e combinata)

Perché ö disse chi ö l'ëa sto disgrazioû

Affinché dicesse chi era questo disgraziato

Che se sæiva dovûo sacrificâ,

Che si sarebbe dovuto sacrificare,

Ö se reiso all'invito, ö se cegoû

Si arrese all'invito, si piegò

Doppo d'esise fæto ûn pô pregâ,

Dopo essersi fatto un po' pregare,

E comme me l'aveivo zâ previsto

E come avevo già previsto

Chi ö le andæto a çercâ? mi poviou Cristo!

Chi è andato a cercare? Me, povero Cristo!

Ghe lascio dî, comme se son resciôæ

Le lascio immaginare, come si sono risollevati (rianimati)

Quando a scelta a l’é chéita adosso a mi,

Quando la scelta è caduta addosso a me,

Tutti a reo se son parsci recoviæ

Tutti quanti sono sembrati riprendersi

De vedde e cose andâ a finî coscì.

Nel vedere le cose andare a finire così.

M'han sûbito ligoù pe l'anscietê

Mi hanno subito legato per l'ansia

Che mi no ghe ne desse ûn cianto lì,

Che io non li piantassi lì,

E in quinta e sprescia, han preparoû l'artâ

E in fretta e furia, hanno preparato l'altare

E legne, ö fœûgo, i sacri anghæsi, a sâ.

La legna, il fuoco, i sacri arnesi, il sale.

Me son visto fottûo! primma de mûi

Mi sono visto fottuto! Prima di morire

Ho vosciûo, sacranon, veddighe drento,

Ho voluto, perdinci, guardarci dentro,

Ho aspëtoû quande tûtti ëan a dormî,

Ho aspettato che tutti fossero a dormire,

E me son deslìgou in t'ûn momento,

E mi sono slegato in un momento,

E lì dalli, in te quante ö staggo a dî

E lì dagli, nel tempo che ci metto a dirlo

Me son trovoû fœûa dell'accampamento,

Mi sono trovato fuori dall'accampamento,

E poi mettime a andâ comme ûnn-a leccia;

E poi mi sono messo a correre come una scheggia;

Pe sta votta Calcante ö no me beccia.

Per questa volta Calcante non mi fotte!

Pin d'anscietæ, de spaximo, de puia,

Pieno d'ansia, di spasimo, di paura,

Senza pûeime sfamâ c'ûn pô de pan,

Senza potermi sfamare con un po' di pane,

Scin che n'ho visto ch'ëan andæti via,

Finché non ho visto che erano andati via,

Mi son stæto ammûggioû in t'ûn pâtan

Me ne sono stato appallottolato in un pantano;

Quande poi... ma a mæ storia a le finia,

Quando poi... ma la mia storia è finita,

Mi son chi che me metto in tê so man,

Io sono qui che mi metto nelle sue mani,

Sciâ ne fassan de mi, cose se sæ

Facciate di me qualsiasi cosa sia

Ma sciâ m'aggian un'ombra da caitæ.

Ma abbiate di me un'ombra di carità.

Cose serve! ö n'ha tanto inverdûgoû

A che serve dirlo! Ci ha così tanto intortati

Che cianzeivimo quæxi comme lê

Che piangevamo quasi come lui

Quindi ö re pe so bocca ö l'ha ordinou

Quindi il re di sua bocca ha ordinato

Che ö se desmanettasse in sce döi pë

Che gli si togliessero le manette su due piedi

E ö ga dîto: va là, ti ë perdonoû;

E gli ha detto: "Va' là, sei perdonato;

D'aôa in poi, ti no sæ ciù prexonné,

Da ora in poi, non sarai più prigioniero,

Ti restiæ con noi atri e ti troviæ

Resterai con noialtri e troverai

Ûnn-a patria in te Troia, e in noi, di fræ

Una patria in Troia, e in noi, dei fratelli."

Ma contine ûn pittin cose vœû dî

"Ma raccontaci un pochino cosa vuol dire

Questo enorme cavallo che han lascioû;

Questo enorme cavallo che hanno lasciato;

Han fæto ûn voto primma de partî,

Hanno fatto un voto prima di partire,

O l’ë inganno o magía che han preparoû?

O è un inganno o una magia che hanno preparato?

A quarcosa, perdie, ö l'ha da servì,

A qualcosa, perdinci, deve pur servire,

Che dunque nö l'avieivan fabbricoû!

Che altrimenti non l'avrebbero mica fabbricato!"

E lë, che ö l'aspetava a balla a-o botto,

E lui, che aspettava la palla al balzo,

Ghe lascio dî, se ö ne g'ha dæto sotto.

Le lascio immaginare, se non ci ha dato sotto!

Aôa, per tûtto zû, ö se misso a criâ:

Allora, per tutto giù, si è messo a gridare:

Mi greco nö son ciû pe ûn aççidente,

"Io greco non sono più per un accidente,

Vœûggio vedde un pittin, chi m'obblighiâ

Voglio vedere un pochino, chi mi obbligherà

A fâme fâ ö rûffian a questa gente;

A farmi fare il ruffiano per questa gente;

Conto tûtto, perdie, vœûggio mostrâ

Racconto tutto, perdinci, voglio mostrare

Che almeno mi ve son riconoscente;

Che almeno io vi sono riconoscente;

E d'in cangio a-o servixio che ve fasso

E in cambio del servizio che vi faccio

Voi atri ascì, nö me brûxiæ ö paggiasso.

Voi altri però, non mi bruciate il pagliaccio." (tradite)

I greci, han sempre avûo da divozion

I Greci, hanno sempre avuto della devozione

Pe Santa Ratalegua e l'han portâ,

Per Santa Ratalegua e l'hanno portata,

Primma de vegnî in guæra, in procescion;

Prima di venire in guerra, in processione;

E chi, gh'aveivan misso sciû ûn artâ.

E qui, le avevano messo su un altare.

Lë a g'ha sempre mostroû da protezion

Lei ha sempre mostrato loro protezione

Scinn-a a-o giorno che quello mandilâ

Fino al giorno in cui quel furfante

D'Ulisse, che ö l'aveiva un pô e sampette,

Di Ulisse, che aveva un po' le zampette lunghe,

Ö se azzardoû de tiâghe sciû e fâdette.

Si azzardò a tirarle su la gonna.

E d'alöa in poi, nö ghe ciû stæto verso

E da allora in poi, non c'è stato più verso

Che ghe ne vûesse andâ unn-a pe drito,

Che ne volesse andare una per il dritto,

E voti e tridui, tûtto tempo perso,

E voti e tridui, tutto tempo perso,

E zazuin e novenn-e all'infinito;

E digiuni e novene all'infinito;

A l'aveiva piggiæ tanto a-o reverso

L'aveva presa talmente male

Che quande l'han vosciûa cangiâ de scîto

Che quando l'hanno voluta cambiare di posto

A se missa a giâ i œûggi, a cianse, a sûâ

Si è messa a girare gli occhi, a piangere, a sudare

E a l'ha fæto trei bötti in sce l'artâ.

E ha fatto tre salti sull'altare.

Figgiœu cai, chi no ghe ciù remiscion,

"Cari ragazzi, qui non c'è più remissione,

Alöa Calcante o ne se misso a dî,

Allora Calcante si è messo a dirci,

A santa a no vœû intende de raxon,

La santa non vuole intendere ragione,

A vœû andasene a casa, a vœû partî;

Vuole andarsene a casa, vuole partire;

Quande lë a l'aviâ avûo soddisfazion,

Quando lei avrà avuto soddisfazione,

Solo alôa se porriâ torna vegnî;

Solo allora si potrà torna venire;

Se dûnque, persûadeive che ghe spûssa

Sicché, persuadetevi che le puzza

Ö fiato a Troia e che ghe scrito: sûssa

Il fiato a Troia e che c'è scritto: sûssa"

E l'é pe so vûentæ, che han fabbricoû

"Ed è per sua volontà, che hanno fabbricato

Sto cavallo de legno che le chi,

Questo cavallo di legno che è qui,

O l'é ûn voto pe-a santa, e l'han lascioû

È un voto per la santa, e l'hanno lasciato

Invece de palladio o che so mi,

Invece del palladio o che so io,

E l'han fæto tant'âto e spertegoû

E l'hanno fatto tanto alto e sperticato

Perché nö pûesci remesciâ de lî

Perché non possiate rimuovere da lì

E nö rende i so calcoli sbagliæ

E non rendere i loro calcoli sbagliati

Con portavelo drento da çittæ.

Portandovelo dentro la città."

E l'é chi dove sta tûtto ö segreto;

"Ed è qui che sta tutto il segreto;

Dæme a mente figgiêu che no v'inganno,

Datemi retta ragazzi che non vi inganno,

Se ö rompî, se ö guastæ, ve ö diggo sccetto,

Se lo rompete, se lo guastate, ve lo dico schietto,

Vöi, sei belli fottûi fin da quest'anno;

Voi, siete belli fottuti fin da quest'anno;

Ma se invece gh'aviei cûra e rispetto,

Ma se invece ne avrete cura e rispetto,

Nö solo i greci nö ve fan ciû danno,

Non solo i Greci non vi faranno più danno,

Ma dovian fâ a figûa de præe Michë,

Ma dovranno fare la figura di prete Michele,

Che ö se ö metteiva in tö stoppin da lë.

Che se lo metteva nello stoppino da solo."

E noi da belinoïn s'emmo credûo

E noi da belinoni abbiamo creduto

E sô cûgge e sô scene, e sô sciortîe,

Alle sue balle, alle sue scene, e alle sue uscite,

Noi ch'eimo sempre stæti ûn osso dûo

Noi che eravamo sempre stati un osso duro

Pe Diomede e pe Achille e che perdîe

Per Diomede e per Achille e che, perdinci,

Dexe anni de patî, no n'han fottûo,

Dieci anni di patimenti non ci hanno fottuto,

Se semmo rovinæ pe due böxie;

Ci siamo rovinati per due bugie;

Ma pe futtine ben, pe dâne adosso,

Ma per fotterci per bene, per darci adosso,

N'è successo ûn anghæso ancon ciû grosso.

Ci è successo un guaio ancora più grosso.

Laoconte che ö l'ëa stæto nominoû

Laocoonte che era stato nominato

Cappellan de Nettûno, in sce l'artà

Cappellano di Nettuno, sull'altare

Ö l'aveiva za ûn toro preparôu

Aveva già preparato un toro

E ö l'ëa za lì pe daghe ûnn-a massûa,

Ed era già lì per dargli una mazzata,

Quande dall'Isöa, che g'ho za çittôu,

Quando dall'Isola, che ho già citato,

(Se ghe penso me ven ancon da sûâ)

(Se ci penso mi viene ancora da sudare)

Se vedde vegnî a nêuo, döi sacramenti

Si vedono venire a nuoto due "sacramenti"

Che ä sagoma, a-o regìo, paivan serpenti

Che per la sagoma, per l'andamento, sembravano serpenti.

Vegnivan zû cö stêumago addrizzôu,

Venivano giù con lo stomaco drizzato,

Co-a bocca spalancâ pinn-a de bava

Con la bocca spalancata piena di bava,

Tûtto ö resto dö corpo arriguelôu,

Tutto il resto del corpo attorcigliato,

Ö regïava in te l'ægûa e ö se regïava,

Che rigirava nell'acqua e si rigirava,

Se servivan da côa comme battûou

Si servivano della coda come frusta

Che paiva læte ö mâ tanto ö scciûmmava;

Che sembrava latte il mare tanto che schiumava;

E vegnûi zû corrindo in fin ä spiaggia

E venuti giù di corsa fino alla spiaggia

Se son missi a scigôà neigri dä raggia.

Si son messi a sibilare neri dalla rabbia.

Semmo tûtti restæ senza respîo,

Siamo tutti restati senza respiro,

Senza gambe e ciû gianchi che un lenzêu,

Senza gambe e più bianchi di un lenzuolo,

Nö ghe stæto che ûn ûrlo, ûn sbraggio, un crio,

Non c'è stato che un urlo, uno sbraitare, un grido,

«Andævene, son chi, sarva chi pêu»,

«Andatevene, sono qui, si salvi chi può!»,

I serpenti in t'ûn botto, in t'ûn asbrîo,

I serpenti in un botto, in uno slancio,

S'arrissan a Laoconte e a-i sô figgiêu

Si avventano su Laocoonte e sui suoi figli

E primma a questi, senza tante cûgge

E prima a questi, senza tante balle

Te i strenzan, te i ingöan che pän fregugge.

Te li stringono, te li ingoiano che sembrano briciole.

E a Laoconte che ö i voeiva soccorî

E a Laocoonte che li voleva soccorrere

Se ghe asbrîan, se ghe inghêuggian in sce l'atto,

Gli si avventano contro, gli si aggrovigliano all'istante,

Se ghe doggian in gîo, te ö fan scroscî,

Gli si attorcigliano intorno, te lo fanno scricchiolare,

Lë ö sbraggia, ö l'ûrla, ö cria pëzo che ûn matto,

Lui sbraita, urla, grida peggio di un matto,

E ghe scappa e correzze a ciû no dî,

E gli scappano le scorregge a più non dire,

In t'ûn momento te ghe dan recatto,

In un momento lo sistemano,

E te ö ridûan coscì che ö te diventa

E te lo riducono così che ti diventa

Ûn mûggetto de strasse e dâ rûmenta.

Un mucchietto di stracci e di spazzatura.

Poi se desghêuggian, quande l'han finîo,

Poi si sbrogliano, quando l'hanno finito,

E scigoando ädreitûa comme ûn vapore,

E fischiando addirittura come un un vapore,

Se ne van, senza ascâdi e senza asbrîo,

Se ne vanno, senza scaldarsi e senza fretta,

Senza manco ciû giâse in çimma a töre;

Senza nemmeno più girarsi, in cima alla torre;

E là, sotto l'artâ, comme in t'un nîo

E là, sotto l'altare, come in un nido

S'accomodan, se giân, senza che i scöre

Si accomodano, si acciambellano, senza che li scacci

Nisciûn de noî, che ahimé, senza pensaghe,

Nessuno di noi, che ahimè, senza pensarci,

S'aveivimo cagôu tûtti in te braghe.

Ci eravamo cagati tutti nelle braghe.

Quande se semmo repiggiæ ûn momento

Quando ci siamo ripresi un momento

E a quanto l'é successo emmo pensôu,

E a quanto è successo abbiamo pensato,

S'é dito in generale, che ö portento

Si è detto in generale, che il portento

Se l'aveiva Laoconte meritôu,

Se lo era Laocoonte meritato,

Per avei avûo a tolla e l'ardimento

Per aver avuto la tolla e l'ardimento

De tiâ a lansa in tö legno consacrôu

Di tirare la lancia nel legno consacrato

E che, pe appaxentâ a divinitæ,

E che, per pacificare la divinità,

Ö cavallo ö doveiva intrâ in çittæ.

Il cavallo doveva entrare in città

E lì sûbito a-o laôu se semmo missi

E lì subito ci siamo messi al lavoro

Con päfæri, badî, masse, piccoin,

Con palanchini, badili, mazze, picconi,

A daghe drento pe fâ andâ in menissi

A darci dentro per mandare in frantumi

A porta, e pe fâ ûn sguaro in ti bastioin.

La porta, e per fare uno squarcio nei bastioni.

E con corde, con lëve, atri bordissi,

E con corde, con leve e altri armamentari,

Adattemmo a-o cavallo î scalandroin,

Adattammo al cavallo gli scalandroni,

E lì, tia, forza, arranca, ö mescia, ö passa

E lì, tira, forza, arranca, si muove, passa:

Sciû coraggio figgiêu, che ö le in sciâ ciassa.

"Su coraggio ragazzi, che è sulla piazza!"

A brûttûi, bulicugge, orbi inaiæ,

"Ah vili, frociazzi, ciechi in confusione,

Besêugna proprio che ne ö lasciæ dî,

Bisogna proprio che ce lo lasciate dire,

Træ votte ö se fermôu pe intrâ in çittæ,

Tre volte si è fermato per entrare in città,

E pe trae votte ö se sentîo scroscî!

E per tre volte si è sentito scricchiolare!

E paiva che ö dixesse: Cose fæ

E sembrava che dicesse: 'Cosa fate?

Ö reciocco dö færo, nö sentî?

Il rimbombo del ferro, non lo sentite?'

Ma noî, ninte, ëimo sordi, emmo vosciûo,

Ma noi, niente, eravamo sordi, abbiamo voluto

Mettisegheo da noî, ben rebattûo.

Mettercelo dentro da soli, ben ribattuto."

Alôa Cassandra, che a n'ëa gûæi credûa

Allora Cassandra, che non era per niente creduta

Perché paiva che a fosse ascemelâ,

Perché sembrava che fosse rimbambita,

A l'arve a bocca e a spiffera ädreitûa

Apre la bocca e spiffera addirittura

Tutto quanto doveiva capità;

Tutto quanto doveva capitare;

Ma nisciûn ghe dà mente e se ne cûa,

Ma nessuno le dà retta e se ne cura,

Gh'è chi invece a cugionn-a e a piggia a fâ,

C'è chi invece la cogliona e la sfotte,

Ghe dixan che a l'ha a testa fêua de cascia

Le dicono che ha la testa fuori posto

E ghe dan dö ciappetto e da bagascia.

E le danno della baldracca e della bagascia.

E frattanto zà a nêutte ciancianin

E frattanto già la notte pian pianino

A l'aveiva inghêuggeito tæra e mâ

Aveva avvolto terra e mare

E a sorpreisa che quelli mascarsoin

E la sorpresa che quei mascalzoni

Ne vûeivan d'arescöso preparâ;

Ci volevano di nascosto preparare;

A poco a poco, tutti i çittadin

A poco a poco, tutti i cittadini

Ëan andæti in sce ö letto ûn pò a quetâ

Erano andati sul letto un po' a quietare

E doppo avei provôu tante emozioin

E dopo aver provato tante emozioni

Dormivan ädreitûa comme succoin

Dormivano addirittura come ceppi.

Alôa dall'isoa donde a fâva ö scemmo

Allora dall'isola dove faceva lo scemo

Sciorte a flotta di greci in ordinanza;

Esce la flotta dei greci in ordinanza;

Pe fâ intende a Schenon, (miæ che ghe semmo)

Per far capire a Schenone (guarda che ci siamo)

A brûxia ûn fûrgaô mentre che a s'avanza;

Brucia un razzo di segnalazione mentre avanza;

A-o segno convegnûo con sto malemmo,

Al segno convenuto con questo maledetto,

Lë ö s'accosta a-o cavallo e ö gh'arve a pansa

Lui si avvicina al cavallo e gli apre la pancia

Ciancianinetto, tûtta quella scciûmma

Pian pianino, e tutta quella schiuma

Pe ûnn-a corda, zû in tæra a se calûmma.

Per mezzo di una corda, giù a terra si cala.

Vegnûi tûtti de fêua senza parlâ

venuti tutti fuori senza parlare

(Ëan d'accordo, zà primma de sciortî)

(Erano d'accordo, già prima di uscire)

Ognid'ûn sa zà dove ö deve andâ,

Ognuno sa già dove deve andare,

Cose ghe tocca e comme ö deve agî,

Cosa gli tocca e come deve agire,

Chi a-o palazzo dö re, chi all'arsenâ

Chi al palazzo del re, chi all'arsenale

Chi a-e porte pe piggiale e fâle arvî,

Chi alle porte per prenderle e farle aprire,

E chi va cö petrolio e coi brichetti

E chi va col petrolio e con i fiammiferi

Pe fâne brûstolì comme oxeletti.

Per farci abbrustolire come uccelletti.

L'ëa l'ôa dö primmo sêunno, e mi ronfava

Era l'ora del primo sonno, e io ronfavo

Comme ûn sûcco dappresso ä mæ scignöa,

Come un ceppo vicino alla mia signora,

Quando, mentre che meno ghe pensava,

Quando, mentre meno ci pensavo,

Veddo Ettore stecchìo comme un'anciöa,

Vedo Ettore stecchito come un'acciuga,

Pin de sangue, strassôu che ö me fissava.

Pieno di sangue, stracciato che mi fissava.

Ö no l'ëa ciû quell'Ettore d'alöa

Non era più quell'Ettore di allora

Che ö tornava trionfante e pin de botta,

Che tornava trionfante e pieno di boria,

Percose Achille ö gh'ëa restôu de sotta.

Perché Achille gli era rimasto sotto.

Ö l'aveiva ûnn-a barba speronsîa

Aveva una barba ispida e arruffata

Tutta pinn-a de bratta e insanguinâ,

Tutta piena di fango e insanguinata,

Ûn muro allampanôu da mette puîa,

Un viso allampanato da far paura,

A roba tûtta sguari astrofoggiâ,

La veste tutta a strappi e sgualcita,

No gh'ëa posto da faghe ûnn-a ferîa,

Non c'era posto per fargli una ferita,

Tanto a pelle ö l'aveiva pertûsà,

Tanto aveva la pelle bucherellata,

E me paiva che fosse ö primmo mì

E mi sembrava di essere il primo io

A parlaghe, dixendoghe coscì:

A parlargli, dicendogli così:

E brao, cameadda, comme a l'é, ti ë chi?

"E bravo, camerata, com'è, sei qui?

Dove diao ti t'é andæto a bûzzarâ?

Dove diavolo sei andato a rovinarti?

E cose ti æ fottûo? l'é pe coscì

E cosa hai combinato? È da per così

Che nöiatri te stavimo a aspettâ;

Che noialtri ti stavamo ad aspettare;

Per cose mai, ti æ quella faccia lì,

Perché mai, hai quella faccia lì,

Brûtto de sangue comme ûn maxellâ?

Sporco di sangue come un macellaio?

Contime, parla, cose t'é successo?

Raccontami, parla, cosa ti è successo?

A-oa ti l'æ piggiæ, tanto, l'é ö stesso.

Ormai le hai prese, tanto, è lo stesso."

E lë, senza risponde a-e mæ parolle,

E lui, senza rispondere alle mie parole,

Ö l'ha tiôu sciû ûn sospîo da strenze ö chêu:

Ha tirato su un sospiro da stringere il cuore:

Scappa, ö m'ha dito, Enea, primma che a scrolle

"Scappa – mi ha detto – Enea, prima che crolli

E ti resti de dentro a-o rattaiêu,

E tu resti dentro, in una trappola per topi,

Nö l'e tempo de fa de braghe molle,

Non è tempo di fare delle braghe molle,

Se ne deve sciortî comme se pêu,

Se ne deve uscire come si può,

E mi sön vegnûo apposta pe avvertîte,

E io sono venuto apposta per avvertirti,

Troia a l'ha in tö stoppin, sön messe dîte.

Troia ce l'ha nello stoppino, sono messe dette."

Sarva almeno i gexû co-i reliquai

Salva almeno i gesù con i reliquiari,

Fûtti tûtto in t'ûn baûlo e fanni fîto,

Fotti tutto in un baule e fallo in fretta,

Mettíte in t'ûn vagon, piggia ö tramvai

Mettiti in un vagone, prendi il tramvai

E portili a straquâ in te ûn atro scito:

E portali a scaricare in un altro posto:

Doppo ûn mondo de lastime e de guai

Dopo un mondo di lamenti e di guai

Ti ghe ö torniæ a piggiâ torna pe drîto

Ti tornerà ad andare per il verso giusto

E ti fondiæ a çittæ dell'Arpexella,

E fonderai la città di Arpesella,

Ciû grande ancon de Troia e ancon ciû bella.

Ancora più grande di Troia e ancora più bella.

E ö sparisce: frattanto pe-a çittæ

E lui sparisce: frattanto per la città

Se commensa a sentî cianze e sbraggiâ,

Si comincia a sentire piangere e sbraitare,

Ûn remescio, ûn tambûscio, ûn nö saviæ

Un rimescolamento, un trambusto, un non saprei

Comme quando se sente sbatte ö mâ,

Come quando si sente sbattere il mare,

Poi ö piggia ciû forza e intenscitæ,

Poi prende più forza e intensità,

Ö cresce, ö monta che ö me fâ adesciâ;

Cresce, monta tanto che mi fa svegliare;

Sâto da-o letto e tastonando a-o scûo,

Salto dal letto e tastonando all'oscuro,

Camminn-o in sce a terrazza bello nûo.

Cammino sulla terrazza bello nudo.

Comme quando a campann-a a martelletto,

Come quando la campana a martelletto,

A n'adescia de nêutte in t'ûn scrollon,

Ci sveglia di notte in uno scossone,

Co-i êûggi ancon serræ, se sâta ö letto,

Con gli occhi ancora chiusi, si salta giù dal letto,

E se cöre tremândo da-o barcon,

E si corre tremando al balcone,

E se vedde a gragnêua che a lascia netto

E si vede la grandine che lascia netto

E ûn incendio che ö porta a distrûzion,

E un incendio che porta la distruzione,

E sovven solo allöa che s'é scordôu

E viene in mente solo allora che ci si è scordati

Da quarche compagnia d'ëse assegûoû;

Da qualche compagnia d'essere assicurati;

Coscì mi stavo a amiâ co-e balle in man

Così io stavo a guardare con le balle in mano

A rovinn-a de Troia e mæ rovinn-a;

La rovina di Troia e la mia rovina;

Za l'incendio che primma ö l'ëa lontan

Già l'incendio che prima era lontano

Ö l'aumenta de forza, ö s'avvixinn-a,

Aumenta di forza, si avvicina,

Ö l'attacca zà Tursci, ö piggia man,

Attacca già Tursi, prende mano,

Da-e artûe, tûtto zû, scinn-a ä marinn-a

Dalle alture, tutto giù, fino alla marina

Che l'ëa tûtto ûnn-a fiamma, ûnn-a förnaxe,

Che era tutta una fiamma, una fornace,

L'aia pinn-a de zimme, ö mâ de braxe.

L'aria piena di faville, il mare di braci.

Me và sûbito a testa in tö ballon,

Mi va subito la testa nel pallone,

Nö sô ciû cose fûtte e cose fâ,

Non so più cosa diavolo fare e combinare,

M'infio e braghe, metto ö çenturon,

Mi infilo le braghe, metto il cinturone,

Me ven coæ de sciortî pe andame a dâ,

Mi vien cuore di uscire per andarle a dare,

Sciorto e lì abbretiö ammûggio ûn pelotton

Esco e lì alla rinfusa ammucchio un plotone

De militi acchêuggeiti in tö scappâ,

Di soldati raccolti mentre scappavano,

E ghe diggo: battemosene a mössa

E dico loro: sbattiamocene la mussa,

Zà che se gh'é: merda o berretta rössa.

Già che ci siamo: merda o berretta rossa.

E lì in marcia: quand'ecco che incontremmo

E lì in marcia: quand'ecco che incontrammo

Ö sciö Oberti, che ö l'ëa seatê in Campetto,

Il signor Oberti, che era sagrestano in Campetto,

Capitanio da quinta, mëzo scemmo

Capitano della quinta, mezzo scemo

Da-o sciato, da-o remescio, da-o spaghetto,

Dal fiatone, dal trambusto, dalla gran paura,

Ö scappava vestîo comme ûn malemmo

Scappava vestito come un disgraziato

Co-i argenti de casa in t'ûn sacchetto;

Con l'argenteria di casa in un sacchetto;

Ö sciö Oberti, ghe crîo, sciâ vegne chì

"Signor Oberti", gli grido, "venga qui,

Comm'a l'é, sciâ ghe molla vosciâ ascì ?

Come l'è, ci molla anche lei?"

Lë ö se ferma, e tremando a ciû nö pûei,

E lui si ferma, e tremando a più non posso,

Ö me dixe: A l'é a votta che a nö falla,

Mi dice: "È la volta che non fallisce,

Nö sön miga demöe, fan pe davvei

Non sono mica scherzi, fanno per davvero

Sti ruffien n'êuan de cugge e tian con balla,

Questi ruffiani non raccontano frottole e sparano con proiettili,

E sciâ vêu che nö scappe? ma me pai

E lei vuole che non scappi? Ma mi sa

Ö çervello in ta testa ö ghe traballa,

Che il cervello in testa le traballi,

Semmo bell'e fottûi nö gh'é ciû verso,

Siamo belli e fottuti, non c'è più verso,

Sciâ nö ghe vedde, che l'é tempo perso.

Non lo vede che è tempo perso?"

Stö brûttö de cavallo ö bêutta zû

Questo brutto di un cavallo butta giù

Strêuppe e strêuppe de greci a tutt'andâ

Torme e torme di greci a tutto andare

Sciortan da tutti i canti e vegnan sciû

Escono da tutti gli angoli e vengono su

Ädreitûa comme funzi. Ei bello fâ

Addirittura come funghi. Hai un bel da fare

Ma scì cuggie, ne ven sempre de ciû

Ma sì, palle, ne vengono sempre di più

E se mettan lì, sûbito a piccâ;

E si mettono lì, subito a picchiare;

E quello brûtto siôto de Schenon

E quel brutto impiastro di Schenone

Che ö ne bûzara, ö ne mincionn-a ancon.

Che ci rovina,e ci minchiona ancora.

Tûtti scappan, nö gh'é che i granatë

"Tutti scappano, non ci sono che i granatieri

Che fan ûn pô de rexistenza a-o scûo

Che fanno un po' di resistenza al buio,

Ma piggian i compagni per foestë

Ma pigliano i compagni per foresti

E i ammassan pe mettise a-o segûo;

E li ammazzano per mettersi al sicuro;

Sciâ se credde, sciö Enea, l'emmo derë

Mi creda, signor Enea, l'abbiamo nel didietro

Ben ciantôu, senza spago e rebattûo;

Ben piantato, senza spago e ribattuto;

Vosciâ sciâ vedde, nö sô cose dighe,

Vossignoria vede, non so cosa dirle,

Ma mì vêuggio sarvâ a pansa a-e fighe.

Ma io voglio salvare la pancia per i fichi

Mì me sâta ûnn-a vêuggia mascarsonn-a

Mi salta una voglia mascalzona

De mettime a corrî dove fa cado,

Di mettermi a correre dove fa caldo,

Primma amîo chi ho con mì: gh'é ö Câsabonn-a

Prima guardo chi ho con me: c'è il Casabona

E gh'é ö Döi södi, cö chirurgo Ansâdo,

E c'è il "Due soldi", col chirurgo Ansaldo,

Ö sciû Gherscí, Nattin Carabalonn-a,

Il signor Ghersì, Nattin Carabalona,

Cesare ö giardinë, cö sunnôu Bado,

Cesare il giardiniere, col suonatore Bado,

Capitan Questa, Piransola e Rigo

Il Capitan Questa, Piransola e Rigo

Con Ciöngin ö procûoû e Campantigo.

Con Ciongin il procuratore e Campantigo.

Tûtti bûlli da reo, tûtti çernûi

Tutti veri duri, tutti scelti (selezionati)

Che nö pûeivo ëse mëgio accompagnôu,

Che non potevo essere meglio accompagnato,

Ma pe fali ciû cädi e ciû segûi

Ma per farli più caldi e più sicuri

Me ghe son misso in mëzo e g'ho parlôu:

Mi ci sono messo in mezzo e gli ho parlato:

Zovenotti, v'ho sempre conosciûi

"Giovanotti, vi ho sempre conosciuti

Pe ûn ciû cado che l'âtro e desgaggiôu

Per uno più caldo dell'altro e disinvolti,

Sô che sei tanti eroi, se nö savesse,

So che siete tanti eroi, se non lo sapessi,

Me n'accorzieivo solo che v'ammiesse!

Me ne accorgerei solo a guardarvi!"

Ma, perdîe tûtto zû, nö ghêu de cöggie

Ma, perdinci tutto giù, non dico balle,

Chi se tratta de fáse massacrâ

Qui si tratta di farsi massacrare,

In tö zielo ghe l'emmo a çento döggie,

Nel didietro ce l'abbiamo al quadrato,

Nö se pêu ciû ne vinse ne appattâ,

Non si può più né vincere né pareggiare,

Se nö sei unn-a niâ de bullicöggie,

Se non siete una nidiata di coglioncelli stralunati,

Solo böin a men.... e a cagâ,

Solo buoni a mast... e a cagare,

Perdiesann-a, l'é tempo de provâlo

Perdiana, è tempo di dimostrarlo

Con piggiâlo in tö cû, senza mezualo!

Col prenderlo nel culo, senza misurarlo!

Ste parolle, per lö, sön fêugo e fiamme

Queste parole, per loro, sono fuoco e fiamme

Che s'ëan cädi, buggï son diventæ;

Che se erano caldi, bolliti sono diventati;

Comme ûn branco de lôi, morti da fämme,

Come un branco di lupi, morti di fame,

Comme matti furiosi deslighæ,

Come matti furiosi slegati,

Senza piano d'attacco e senza esamme,

Senza piano d'attacco e senza esame,

Nöi s'asbriemmo ädreitûa dentro a çittæ

Noi ci scagliamo a dirittura dentro la città

E zû botte ruffiann-e a ciû nö dî,

E giù botte da orbi da non poterne più,

Che me fâvan mâveggia scinn-a a mî

Che mi facevano meraviglia perfino a me.

Ma in che moddo porriô rende e tradûe

Ma in che modo potrò rendere e tradurre

A rovinn-a l'orrö de quella nêutte!

La rovina, l'orrore di quella notte!

Pâ che Troia a precipite, a derûe

Pare che Troia precipiti, che dirupi

Sotto a forza d'ûn argano che a bêutte,

Sotto la forza di un uragano che la butti,

Vëgi, donne brûxæ, figgie fottûe,

Vecchi, donne bruciate, ragazze fottute,

Sacchezzi, malazioin de tûtte e chêutte

Saccheggi, nefandezze di ogni sorta,

Sangue e morti, ammûggiæ pe tutti i canti

Sangue e morti, ammucchiati in ogni angolo,

Giastemme e sacranoin da tiâ zû i santi,

Bestemmie e sacramentoni da scomodare i santi.

Ö primmo di nemixi che incontremmo

Il primo dei nemici che incontrammo

Ö l'é Zorzin, perla di negozianti,

È Zorzin, perla dei negozianti,

E ö ne piggia pe greci... Eh cose femmo,

E ci prende per greci... "Eh, cosa facciamo,"

Ö se mette a sbraggiâ, vegnimmo avanti,

Si mette a sbraitare, "andiamo avanti,

Noi âtri l'é dö bello che se demmo,

Noialtri è del bello che ci diamo (dentro),

E voi ve ne stæ lì a pisciâ pei canti?

E voi ve ne state lì a pisciare negli angoli?

Ah brûtûi... ma ö s'afferma spaventôu,

Ah, disgraziati..." ma si ferma spaventato,

Accorzendose alôa che ö s'êa sbagliôu.

Accorgendosi allora che si era sbagliato.

Comme quande succede quarche votta

Come quando succede qualche volta

Che ûnn-a figgia, acchêuggendo da viovetta

Che una ragazza, raccogliendo delle violette,

A te posa ûnn-a man sorva ûnn-a sotta

Ti posa una mano sopra una sciolta

Che a l'êa ascosa in ti fiori e in te l'erbetta,

Che era nascosta tra i fiori e tra l'erbetta,

A fâ ûn schitto, a te piggia ûnn-a giavotta

Fa uno scatto, ti fa una giravolta,

Comme se l'æse visto a sciâ Cichetta,

Come se avesse visto la Morte,

E a se mette a scappâ senza ciû giâse,

E si mette a scappare senza più girarsi,

Tegnindo larga a man pe nö brûttase,

Tenendo la mano larga per non sporcarsi;

Coscì Zorzin, quande ö n'ha conosciûo

Così Zorzin, quando ci ha riconosciuti

Fæto ûn bottö ö se misso pe scappâ,

Fatto un balzo si è messo a scappare,

Ma piggiôu de sorpreisa e mëzo a-o scûo,

Ma preso di sorpresa e in mezzo all'oscurità,

Indeciso in sce a stradda da piggiâ,

Indeciso sulla strada da prendere,

Ö s'ingamba, ö va zû longo boccûo

Si inciampa, e va giù lungo disteso a bocconi

Criando: agiutto, nö me fæ dö mâ!

Gridando: "Aiuto, non fatemi del male!"

Noi se femmo coraggio, e lì in sce l'atto

Noi ci facciamo coraggio, e lì all'istante

Visto e nö visto, se ghe dà recatto.

Visto e non visto, lo facciamo secco.

E superbo Ciöngin de sta bravûa

E, tronfio di questa prodezza, Ciöngin

Ö ne dixe: miæ cose me sovven,

ci dice: guardate cosa mi viene in mente,

Doviescimo pe fâla ciû segua

dovremmo, per andare più sul sicuro,

Piggiâ e armi e ö vestî de sti rûffien;

prendere le armi e il vestito di questi farabutti;

Ö sâ forse ûn inganno, ûn'impostûa,

sarà forse un inganno, un'impostura,

Ma mì, cai, me ne fûtto bell'e ben,

ma io, cari, me ne fotto bell'e bene:

A guæra in sce sta mascima a se basa:

la guerra si basa su questa massima —

Chi ë bulicugge se ne stagghe a casa

chi è senza palle se ne stia a casa.

E ö se mette a divisa de Zorzin

E si mette la divisa di Zorzin,

A fêlûa cö ciûmasso, ö çenturon

la feluca col pennacchio, il cinturone,

E coscì fa ö sciö Bado, ö sciô Nattin

e così fa il signor Bado, il signor Nattin,

E coscì tûtti senza distinzion,

e così tutti quanti, senza eccezione,

In manea che nö visti da vixin

in modo che, non riconoscibili da vicino

E protetti da-o scûo, da confûxion

e protetti dal buio, dalla confusione,

Ne riûscîo per ûn po' de fâla franca,

ci riuscì per un po' di farla franca,

Ammazzandone ûn muggio all'arma gianca.

ammazzandone un mucchio all'arma bianca.

Ma scì, contro ö destin gh'é scrîto: Menn-a

Ma sì, contro il destino c'è scritto: attàccati,

E s'ha bello prefutte e remescià

E puoi ben sbatterti e dimenarti,

Perché quando ö s'ha in fondo a-o fî da schenn-a

Perché quando uno ce l'ha in fondo alla schiena

Barba d'ommo nö riesce a destaccâ,

Barba d'uomo non riesce a staccarlo:

Tutt'assemme ligâ, c'ûnn-a cadenn-a,

Tutta insieme legata con una catena,

Co-i cavelli pë spalle e despuggiâ,

Coi capelli sulle spalle e spogliata,

Nöi vedemmo Cassandra in ta marmaggia

Noi vediamo Cassandra in mezzo alla marmaglia

Tiâ pe forza, insûltâ da stî canaggia.

Trascinata a forza, insultata da queste canaglie.

A sta vista, Ciöngin che ö l'ëa ö sô amante

A questa vista, Ciöngin, che era il suo amante,

Ö se caccia in tö mûggio inveninôu

si getta nel mucchio, avvelenato,

Pe salvâla o pe mûi co-a sô galante;

per salvarla o per morire con la sua bella;

E nöi l'emmo in sce l'atto seguitôu;

e noi l'abbiamo seguito all'istante.

Chi l'é dove piccôu n'emmo ciû tante,

Qui è dove ne abbiamo date di più,

Chi l'é dove de ciû n'emmo piggiôu,

qui è dove ne abbiamo prese di più,

Ma se devo fâ ö giusto parallello,

ma se devo fare il giusto parallelo,

Quelle ch'emmo piggiôu sön ciû dö bello.

quelle che abbiamo preso sono più del bello.

Perché i nostri, vedendone a-o vestî,

Perché i nostri, vedendoci dalle vesti,

Ne piggiavan pe greci, e lì sciabbræ,

ci prendevano per greci, e lì sciabolate,

Sasci, travi, de tûttô adosso a nöî,

sassi, travi, di tutto addosso a noi,

Che nö pueivimo dîghe: ve sbagliæ.

che non potevamo dirgli: vi sbagliate.

I nemixi, riuscindo a descrovî

I nemici, riuscendo a scoprire

Ch'ëimo troien da greci mascheræ.

che eravamo troiani mascherati da greci…

Mi ghe lascio pensâ, bella reginn-a

Io ve lo lascio immaginare, bella regina,

Se n'han fæto de nöi tanta toninn-a.

se n'hanno fatto di noi tanta tonnina.

E chì cazze Ciongin, co-a pansa averta,

E qui cade Ciöngin, con la pancia aperta,

Lamentando ö sô scagno e a sô famiggia,

rimpiangendo il suo bancone e la sua famiglia;

Campantigo co-a croxe descoverta,

Campantigo, con la croce scoperta,

Ö s'arigûela zù, comme ûnn-a sbiggia,

stramazza giù come un birillo.

E tì ascì, prinçipà da gente asperta

E anche tu, principale di gente esperta,

Ti te andæto a fâ fûtte, ö sciö Caviggia

te ne sei andato a farti fottere, signor Caviglia,

Ne l'ha protettô ö prinçipato e ö cenzo

né l'ha protetto il principato e il censo

Ne-a santa Compagnia de S. Vincenzo.

né la santa Compagnia di San Vincenzo.

Mi nö fasso pe dî né pe lôdame,

Io non è per dire né per vantarmi,

Ma ho tentôu e brêgôu quante ho posciûo

ma ho tentato e brigato quanto ho potuto,

Senza daghe de ciatto e risparmiâme

senza darci di piatto e senza risparmiarmi,

Pe restâ lì mi ascì, bell'e fottûo.

fino a restarci anch'io, bell'e fottuto.

Ma ö destin, perché ö voeiva conservame

Ma il destino, perché voleva conservarmi

Pe ûn giammin ciû angoscioso e ancön ciû dûo,

per uno stento più angoscioso e ancora più duro,

Ö m'ha fæto sciortî san comme ûn pescio

mi ha fatto uscire sano come un pesce

Da sta poca zizoeta de remescio.

da questa bazzecola di parapiglia.

De tanti ch'ëimo, solo mì, Nattin,

Di tanti che eravamo, solo io, Nattin,

(Za buscetto e inciagôu comme S. Rocco)

(Già vecchietto e piagato come San Rocco)

Ö sûnnôu Bado, ö noto Chitarrin

Il suonatore Bado, e il noto Chitarrin

Mëzo morto e arissôu comme ûn malocco

Mezzo morto e arricciato come un groviglio

A forza de strepelli e de buttoin

A forza di botte e di spintoni

Se riûscimmo a sarvâ tûtti in t'un tocco

Riuscimmo a salvarci tutti insieme,

E sospinti da-i sbraggi e da-o fracasso

E sospinti dalle urla e dal fracasso

Andemmo in strambælon, finn-a a-o palasso

Andammo barcollando, fino al palazzo .

Lì paiva che ghe fosse ö finimondo

Lì pareva che ci fosse il finimondo,

Tanto ö l'ëa ö ramandan, e botte, ö fô;

tanto era il ramadan, le botte, il fracasso;

I greci, c'ûn asâto furibondo,

i greci, con un assalto furibondo,

S'ëan missi a fûtte zû a porta maggiô

s'erano messi a fottere giù la porta principale;

I Troien, tiâvan zû d'insimma in fondo,

i troiani tiravano giù da cima in fondo

Tûtta a roba de casa adosso a lô,

tutta la roba di casa addosso a loro:

Guardarobi, comô, carreghe indôê,

guardaroba, comò, sedie indorate,

Sofâ, potronne, casserolle, oinæ.

sofà, poltrone, casseruole, orinali.

Chì me ven torna coæ d'andame a dâ

Qui mi torna la voglia di andarmi a dare

In soccorso da Corte e di assediæ;

In soccorso della reggia e degli assediati;

Ö busillis ö l'ëa de pûei passâ

Il busillis era di poter passare,

Perché e porte e i rastelli eân barrichæ;

Perché le porte e i cancelli erano barricati;

Me sovven d'ûnn-a porta riservâ

Mi viene in mente una porta riservata,

Fæta in tempi ciû belli e fortunæ

Fatta in tempi più belli e fortunati,

Da Andromaca prescelta ciû che a grande

Da Andromaca prescelta più di quella grande

Pe portâ ö sô pivetto a-o pappâ grande.

Per portare il suo bimbo dal nonno.

Me gh'infio co-i compagni, e andemmo scinn-a

Mi ci infilo coi compagni, e andiamo fin

In sce ö teito de dâto a-i luxernæ:

sul tetto, di fianco ai lucernai:

Lì gh'aveivan costrûto ûnn-a latrinn-a

lì avevano costruito una latrina

Da döve d'in sce ö setto accomodæ

da dove, sulla tazza accomotati,

Se gôdiva da vista da marinn-a

si godeva la vista della marina,

Da campagna di monti e da cittæ

della campagna, dei monti e della città,

In moddo che re Priamo cagando

in modo che re Priamo, cagando,

Ö veddeiva i confin dö sô comando.

vedeva i confini del suo comando.

Se mettemmo co-i færi a travaggiâ

Ci mettemmo a lavorare coi ferri

Pe puèi futtila zù da quell'artûa

per poterla buttar giù da quell'altezza;

A scäsemmo d'in fondo e a sön de fâ

la scalziamo dalla base e a forza di darci dentro

Levemmo e ciavi donde a l'ëa tegnûa,

togliamo i perni dov'era fissata,

Picca, batti a commensa ûn pô a löcciâ.

picchia e batti, comincia un po' a vacillare;

Femmo leva, a precipita, a derûa

facciamo leva, precipita, rovina

E a n'accheûgge ûn miggiâ, tûtti in t'ûn masso

e ne travolge un migliaio, tutti in un blocco

Sotto ûn monte de merda e cäsinasso

sotto un monte di merda e calcinacci.

In sce a porta maggiö, tûtto luxente

Sul portone principale, tutto rilucente,

Pin de croxi, de sciarpe e de galloin,

pieno di croci, sciarpe e galloni,

Pirro ô se dava comme ûn aççidente

Pirro si dimenava come un accidente,

Alternando co-e botte, i sacranoin.

alternando alle botte i bestemmioni.

Comme quando ûn batoso prepotente

Come quando un teppista prepotente

Ö se pâ in drîto de mezûâ mascoin

Si crede in diritto di appioppare ceffoni

Solo percöse ö le vestîo da festa

Solo perché è vestito a festa

E ö l'ha ö vinetto che ö gh'ascâda a testa.

E ha il vinello che gli scalda la testa.

C'ûn picosso in te man, sto bulicugge

Con un'ascia in mano, questo frocione

Ö piccava in ta porta a ciû nö posso,

Picchiava sulla porta a più non posso,

Marmo, fæeri, cantæ, paivan fregugge,

Marmo, ferri, conci parevano briciole,

Cazzeiva tûtto zû, dosso e bordosso,

Veniva giù tutto, alla rinfusa;

Finalmente ö portâ : pâ che ö se doggie

Finalmente il portone: pare che si pieghi

Sotto a forza da leva e dö picosso,

Sotto la forza della leva e dell'ascia,

Ö fa vedde ö cortile e i colonnati,

Fa vedere il cortile e i colonnati,

E stanze dö Re attuale e di antenati.

E le stanze del Re attuale e degli antenati.

Lì gh'ëa ûn mûggio de donne e de figgiœû

Lì c'era un mucchio di donne e bambini,

Mezi morti dao sciâto e dao spavento,

Mezzi morti dal frastuono e dallo spavento,

Chi in camixa o inghœûggeito in ti lensœû,

Chi in camicia o avvolto nelle lenzuola,

Chi n'aveiva ädreitûa de vestimento.

Chi non aveva addirittura niente addosso.

Ö l'ëa ûn lûo continûoû de strenze ö chœû

Era un lamento continuo da stringere il cuore,

Per chi avesse ûn pittin de sentimento,

Per chi avesse un briciolo di sentimento,

Ûnn-a mostra de chœûsce e de tettin

Una mostra di cosce e di tettine

Da fâ perde ö çervello a ûn capûssin.

Da far perdere il cervello a un cappuccino.

Pirro ö passa a traverso all'avertûa

Pirro passa attraverso il varco

E ö se caccia in te donne despûggiæ,

E si getta tra le donne nude,

Tanto a porta a va in scandole, a derûa

Tanto che la porta va in schegge, crolla,

E te gh'intra ûnn'ondâ de mandilæ;

E ci entra un'ondata di mariuoli;

Scia se pœû immaginâ, con quell'arsûa

Si può immaginare, con quell'arsura,

S'ëan ommi da troväse imbarassæ,

Se erano tipi da farsi scrupoli:

Figgie, vidûe, maiæ, ghe passan tûtte,

Ragazze, vedove, maritate, ci passano tutte,

Seggian zovene o vëgie, o belle o brûtte.

Siano giovani o vecchie, belle o brutte.

Ma scicomme nö gh'ëa dö pan pe tûtti,

Ma siccome non c'era pane per tutti,

Cöre ö resto a frûga in ti appartamenti;

Corre il resto a frugare negli appartamenti;

Ö l'ëa ûn fiûmme che ö libera i so flûtti,

Era un fiume che scatena i suoi flutti

E ö l'inghœûggie campagne e casamenti,

E inghiotte campagne e caseggiati.

L'ëa tûtto bön, pe questi farabûtti,

Andava bene tutto, per questi farabutti:

Öu, mobiglia, fucciare ed ornamenti,

Oro, mobilia, cianfrusaglie e ornamenti,

In te meno de quanto ö staggo a dî,

In meno di quanto ci metto a dirlo

Le tûtto andæto a fäse benedî.

E' tutto andato a farsi benedire.

Chi l'é tempo che conte in che manëa

Qui è tempo che racconti in che maniera

Priamo ö le andæto a fâse bûzarâ,

Priamo è andato a farsi rovinare,

Quando proprio ö l'ha visto che nö gh'ëa

quando proprio vide che non c'era

Moddo de vinse o pöesise appattà,

modo di vincere né di pareggiare:

Ö s'é sûbito fissôu in te l'idea

si fissò subito nell'idea

De mettise ö braghë pe andase a dâ,

di mettersi il brachiere per andarsi a dare,

Ö se infioû l'uniforme, a sciabbra, a lûmma

si infilò l'uniforme, la sciabola, la lucerna

Con çinquanta centimetri de ciûmma.

con cinquanta centimetri di piuma.

In to mëzo ai reali appartamenti,

In mezzo agli appartamenti reali

Gh'ëa a cappella da Corte e da famiggia.

C'era la cappella di Corte e di famiglia.

Chi, co-e figgie, co-e nœûe, coi pochi argenti

Qui, con le figlie, con le nuore, coi pochi argenti

Che a l'aveiva salvoû da-o parapiggia,

Che aveva salvato dal parapiglia,

Stava Ecuba annicciâ, battendo i denti,

Stava Ecuba rannicchiata, battendo i denti,

Aspëttando ogni pô, de piggià a striggia

Aspettando da un momento all'altro di prendere la strigliata,

E con cênti, preghee, comme fa e donne,

E con lamenti, preghiere, come fanno le donne,

A tiâva zû da-o çe, santi e madonne.

Tirava giù dal cielo santi e madonne.

Quande Priamo, armoû comme ûn zûenotto,

Quando Priamo, armato come un giovanotto,

Ö l'é comparso in faccia a sô moggië

Comparve in faccia a sua moglie,

Sorpreisa, mäveggiâ e l'ha fæto ûn botto

Sorpresa, meravigliata, fece un salto,

Nö credendo mai ciû che ö fosse lë;

Non credendo mai più che fosse lui;

Ma figgio ca-o, ti n'æ bevûo ciù ûn gotto,

«Ma figlio caro, ti sei bevuto un gotto di troppo?

A ghe dixe, ti ö sæ che ti æ ö braghë?

— Gli dice — lo sai che hai il pannolone?

E te ven ancon cûæ de fa ö gradasso,

E ti viene ancora voglia di fare il gradasso,

Se ti perdi e cörezze ad ogni passo?

Se perdi le scoregge a ogni passo?»

Famme questo piaxei, nö stâ a sciörti,

Fammi questo piacere, non stare ad uscire,

Che se dunque te piggian a patatte,

Ché se dunque ti prendono a pattoni,

Eh figgio caö, se tì ti æ cûæ de mûî,

Eh figlio caro, se hai voglia di morire,

Nö gh'é necessitæ d'andâse a batte,

Non c'è bisogno di andarsi a battere,

Stanni chì, che mûiemo tûtti duî

Stattene qui, che moriamo tutti e due

Senza fâse piggiâ pe teste matte...

Senza farci prendere per teste matte…

E a ö persûade coscì, che a te l'assetta,

E lo persuade così, che te lo fa sedere,

Mäestoso sovrano, in sce a banchetta.

Maestoso sovrano, sulla panchetta.

Ecco intanto Polite, ö caga in nîö,

Ecco intanto Polite, l'ultimo della covata,

Ûn bello zovenetto pin d'arzillö,

Un bel giovanetto pieno di brio,

Ö se vedde arrivâ, fûto, scoriö,

Si vede arrivare, in fuga, braccato,

Da Pirro, che ö ghe vûeiva fâ ö bacillö.

Da Pirro, che gli voleva far la festa.

Questo chì che ö l'aveiva za ferîö

Questo qui, che l'aveva già ferito,

Co-a fûtta in corpo d'avei fæto pillo,

Con la rabbia in corpo per aver fatto cilecca,

Ö continûa a piccâ, scinché ö meschin

Continua a colpire, finché il meschino,

Davanti ai sô parenti, ö tîa ö gambin.

Davanti ai suoi parenti, tira le cuoia.

Achille tô pappâ, scibben che ö fosse

Achille tuo padre, sebbene fosse

Ûn nemigo e ûn batösö comme tì,

Un nemico e un teppista come te,

Quande g'ho domandoû d'Ettore e osse

Quando gli ho chiesto le ossa di Ettore

Ö l'ha reise e ö l'ha avûo pietæ de mì;

Le ha rese e ha avuto pietà di me;

E ti invece, brûtö, ti fæ de mosse

E tu invece, vigliacco, fai il gradasso

E de ciû ti me bûrli? acciappa chì,

E per di più mi burli? Prendi qui!

Ö tia fœûa a sciabbra e ö te g'asbria unn-a botta,

Tira fuori la sciabola e gli molla un colpo,

Destegando corezze pe desotta.

Mollando scoregge di sotto.

Ma a sciabbra che a pesava ciû che lë

Ma la sciabola, che pesava più di lui,

A tocca solo Pirro e a cazze in tæra;

Sfiora appena Pirro e cade a terra;

Stö chì, poi, mâ edûcôu comme ûn muatë,

Costui, poi, maleducato come un mulattiere,

Ö commensa a risponde c'ùnn-a gnæra,

Comincia a rispondere con uno sberleffo,

E ö ghe dixe: finiscila braghæ,

E gli dice: «Finiscila, cagabrache,

Vanni a tiâ de corezze sotto tæra,

Vai a tirar scoregge sottoterra,

E digghe a mæ pappà che ö te i agotte.

E di' a mio papà che se le sorbisca lui.

Ma frattanto, ti vannite a fâ fotte.

Ma frattanto, tu va a farti fottere.»

Ö l'abæra pe ö collo e c'ûn streppon

Lo afferra per il collo e con uno strattone

Ö leva da assettoû d'in sce a banchetta,

Lo tira su di peso dalla panchetta,

Ö strascinn-a tremante e in strambælon,

Lo trascina tremante e barcollante,

C'ûnn-a man ö gh'acciappa a perûcchetta

Con una mano gli acchiappa la parrucchetta

E con l'âtra piccândo cö squadrön,

E con l'altra, picchiando con lo spadone,

Ö te ö taggia, ö te sgûara, ö te l'affetta;

Te lo taglia, te lo squarcia, te lo affetta;

E coscì l'é finîo stö gran sovrano,

E così è finito questo gran sovrano,

Proprio comme ûn strasson, comme ûn babano.

Proprio come uno straccione, come un babbeo.

Mi vedendo coscì n'ho ciû posciûo,

Io, vedendo questo, non ho più potuto

Arvî a bocca e parlâ dall'anscietæ;

Aprir bocca e parlare, dall'ansia;

Ma tûtt'assemme poi, me sovvegnûo

Ma tutt'a un tratto poi mi sovvenni

Da mæ povia famiggia e de mæ poæ:

Della mia povera famiglia e di mio padre:

Ö l'ëa ascì, comme ö re, mezo fottûo.

Era anche lui, come il re, mezzo malandato,

E ö l'aveiva all'incirca a stessa etæ;

E aveva all'incirca la stessa età;

Ho pensôu ä mæ casa, aô mæ gardetto,

Ho pensato alla mia casa, al mio piccolo,

A mæ moggë che aveivo lasciâ in letto

Alla mia moglie che avevo lasciato a letto.

Vêuggio andâli a sarvâ, ma primma amîo

Voglio andarli a salvare, ma prima guardo

Chi di amixi m'aveiva accompagnôu;

Chi degli amici mi aveva accompagnato;

Pesta! no gh'ëa nisciûn, chi l'ëa ferîo,

Peste! Non c'era nessuno: chi era ferito,

Chi l'ëa stanco, chi morto e chi stroppiôu

Chi stanco, chi morto e chi storpiato,

Tûtti per ûn se, pe ûn mæ m'han dæto ô gïo,

Tutti, per un sì o per un ma, mi hanno piantato in asso,

Insomma, e-o bello solo abbandonôu;

Insomma, ero bello solo, abbandonato;

Mi pe levâme d'in ti pê a-i cavalli

Io, per levarmi dai piedi dei cavalli,

Vortime indietro, piggiâ ö liscio e dalli.

Mi volto indietro, me la svigno e via.

Appenn-a me sön giôu pe scappâ via,

Appena mi sono girato per scappar via,

Che me torno a fermâ! perdingolinn-a

Che mi torno a fermare! Perdiana,

In sce i schên d'ûn artâ, tûtta abbrensûia

Sui gradini di un altare, tutta intirizzita,

Giâna, fûta, co-a pelle de gallinn-a,

Gialla, sbiancata, con la pelle d'oca,

Veddo quella putten che co-a luçia

Vedo quella puttana che con la susanna

A n'aveiva cacciôu, tûtti in rovinn-a,

Ci aveva cacciati tutti in rovina,

Elena, intendo, e sciâ capisce ben,

Elena, intendo, e Lei capisce bene

De chi parlo, se parlo d'unn-a putten.

Di chi parlo, se parlo di una puttana.

Me sön sentîo ûn scciûppon de raggia

Mi sono sentito uno scoppio di rabbia

Pensando che pe lë, Troia a l'ëa in fiamme;

Pensando che per lei Troia era in fiamme;

E comme, ho dîto, mî, questa canaggia

E come — ho detto io — questa canaglia

A torniâ sann-a e salva a-o sô reamme,

Tornerà sana e salva al suo reame,

Mentre nöi ne tocchiâ dormî in sce-a paggia

Mentre a noi toccherà dormire sulla paglia

Limoxinando pe nö muî dä famme?

Elemosinando per non morir di fame?

Lë a sä torna reginn-a e a fä de mösse

Lei sarà di nuovo regina e farà delle musse

Con sô mariö, comme se ninte fösse?

Con suo marito, come se niente fosse?

Nö perdiessann-a che n'andiâ cöscì,

No, perdiana, che non andrà così!

Zà che ö caxo ö me a fâ vegnî in ti pë,

Già che il caso me la mette tra i piedi,

Me ven coæ de levaghe ö presumî

Mi viene voglia di levarle la boria

E daghe quattro patte in sce ö panë,

E darle quattro pacche sul paniere,

E scibben che a dî ö veo, ghe perde mî

E sebbene, a dire il vero, ci perdo io

A mettime c'ûn siôto comme lë,

A mettermi con un impiastro come lei,

N'importa ninte, aviô a soddisfaziön

Non importa niente, avrò la soddisfazione

De vendicame ûn pô de stö saccön.

Di vendicarmi un po' di sto saccone.

Tutt'assemme me sento imbarlûgâ

Tutt'a un tratto mi sento abbagliare

E veddo tûtto cæo comme de giorno,

E vedo tutto chiaro come di giorno,

E in tö mëzo da lûxe che a me pâ

E in mezzo alla luce, che mi pare

Che a ghe fasse ûn'aureola d'intorno,

Le facesse un'aureola intorno,

Cose veddo? l'immagine adorâ

Cosa vedo? L'immagine adorata

Da mæ povia mammâ che ö sô soggiorno

Della mia povera mamma, che il suo soggiorno

A l'aveiva lasciôu d'in mëzo a-i santi

Aveva lasciato in mezzo ai santi,

E tûtta bella a m'ëa vegnua davanti.

E tutta bella mi era venuta davanti.

A me piggia pe man e dolcemente

Mi prende per mano e dolcemente

A me parla e a me dixe: ma figgiêu,

Mi parla e mi dice: ma figliolo,

Dimme ûn pittin, cose te sâta in mente,

Dimmi un po', cosa ti salta in mente,

Perché ti sbotti e ti te a piggi a-o chêu,

Perché sbotti e te la prendi a cuore

Pe ûnn-a fucciara tanto inconcludente.

Per una cianfrusaglia tanto inconcludente,

Mentre poi ti nö pensi a casa têu?

Mentre poi non pensi a casa tua?

E tô poæ, tô moggië, cö tô bardascia

E tuo padre, tua moglie, col tuo ragazzino

Ti te læ zà scordæ, pe sta bagascia?

Te li sei già scordati, per questa bagascia?

E a nö sæ stæta manco bonn-a lë

E non sarebbe stata capace nemmeno lei,

Né quello scemelan che ö l'ha rapîa,

Né quello scimunito che l'ha rapita,

A fâ tanto, de mettilo in t'ûn pê

A far tanto, da metterlo in quel posto (un piede)

A Troia, a Frisia, a Misia e compagnia,

A Troia, alla Frigia, alla Misia e compagnia,

Perché ti ö sacci, l'e vœntæ dö çe

Perché, che tu lo sappia, è volontà del cielo

Che da ûn pessetto ö v'ha piggôu de mîa,

Che da un bel pezzetto vi ha presi di mira,

E per quanto çerchæ de dî e de fâ,

E per quanto cerchiate di dire e di fare,

Ö ve vêu dâve adosso e desmatâ.

Vi vuole dare addosso e distruggere.

Se poi te pâ che mi conte ünn-a vescia

Se poi ti pare che io ti racconti una frottola,

Piggia chì che te presto i mæ speggetti,

Prendi qui, che ti presto i miei occhialini,

Cön sti chì, ti veddiæ cose se mescia

Con questi vedrai cosa si agita

Lasciû in çë pe cacciave in menissetti,

Lassù in cielo per ridurvi in minuzzoli,

Dunque lascia cörrî, vâ a casa in sprescia,

Dunque lascia perdere, vai a casa in fretta,

Nö stä chì a perde ö tempo e a fâ frexetti,

Non startene qui a perder tempo e a gingillarti,

E dovunque ti andiæ mi te dò aggiutto

E dovunque tu vada io ti do aiuto

E mi te vegniô apprêuvo dappertûtto

E verrò insieme a te dappertutto.

E a sparisce: me metto ö pincenez

E sparisce: mi metto il pince-nez

E, perdiesann-a, cose veddo mai!

E, perdiana, cosa mai vedo!

Paiva proprio che i santi che l’é in çë

Pareva proprio che i santi che sono in cielo

Avessan cangiôu forma in tanti diai,

Avessero cambiato forma in tanti diavoli,

Pe futtine ädreitûa, co-e man, cöi pë,

Per fotterci addirittura, con le mani, coi piedi,

Brûxia, römpi, sconquassa, arranca e dai;

Brucia, rompi, sconquassa, strappa e dai;

Quando ho visto coscì, mi son scappôu

Quando ho visto così, sono scappato

Verso casa, avvilìo, mortificôu

Verso casa, avvilito, mortificato.

A malapenn-a introû, natûralmente,

Appena entrato, naturalmente,

Son andæto a çercâ de mæ pappâ

Sono andato a cercare mio padre,

Che ö l’ëa in letto a dormî tranquillamente

Che era a letto a dormire tranquillamente

Senza manco pensâ a sto calabâ;

Senza manco pensare a sto trambusto;

Ö ciammo, ö scrollo, un pô, ma inutilmente;

Lo chiamo, lo scrollo un po', ma inutilmente;

Lë tranquillo ö se torna a giâ de là,

Lui, tranquillo, si rigira dall'altra parte,

Ghe conto a cosa, ö nö se vœû sciatâ,

Gli racconto la cosa, non si vuole scomporre,

Vœûggio vestilo, ö nö se vœû mesciâ.

Voglio vestirlo, non si vuole muovere.

Ma figgio cao, te pâ che in ti mæ panni

Ma figlio caro, ti pare che alla mia età

Aggîe ancon vœûggia de sciûgame e cuggie

Abbia ancora voglia di asciugarmi le palle,

Mentre me l'ho sciûghæ za pe tant'anni

Mentre me le sono già consumate per tanti anni

Che me son arrivæ söttö e zenuggie?

Che mi sono arrivate sotto le ginocchia?

Son carego de crûzî e de malanni

Sono carico di croci e di malanni,

Che l'é tempo che lasce e che me doggie,

Che è tempo che lasci e che mi pieghi,

L'é dö bello che mi l'ho in tö bacillö

È un bel pezzo che ce l'ho nel lato B,

Lascime dunque muî, queto e tranquillö

Lasciami dunque morire, quieto e tranquillo.

E lì dûo comme ûn mû, fermo, intestoû

E lì duro come un mulo, fermo, intestardito,

Ö nö vûeiva cegase a nisciûn patto,

Non si voleva piegare a nessun patto,

Mi ö pregavo che m'eo mezo sfiatoû,

Io lo pregavo tanto che m'ero mezzo sfiatato,

E lë sempre ciû dûo sempre ciû ciatto;

E lui sempre più duro, sempre più irremovibile;

Strillava ö mæ figgiœû che ö s'ëa adescioû,

Strillava il mio bambino che si era svegliato,

Cianzeiva mæ moggië, coe serve e ö gatto;

Piangeva mia moglie, con le serve e il gatto;

Visto poi che l'ëa tûtto inutilmente,

Visto poi che era tutto inutile,

Ho finîo pe tiâ zù qualche aççidente.

Ho finito per tirar giù qualche accidente.

Ah sci? ti nö vœû intende de raxon,

Ah sì? Non vuoi sentir ragione?

Me son misso a sbraggiâ, ti vœû mûi chì?

Mi son messo a sbraitare, vuoi morire qui?

E che a seggie coscì, ma sacranon,

E che sia così, ma sacramento,

Vœûggio alôa fâ de mösse ûn pô mi ascì!

Voglio allora fare delle musse un po' anch'io!

Se dovemmo andâ tûtti in perdizion

Se dobbiamo andare tutti in perdizione,

Andemmo pure e commensiô da mì,

Andiamoci pure, e comincerò da me,

Zù Recco e Rûa e Canâ de Rapallo,

Giù Recco, Ruta e Canale di Rapallo,

Muimmo tûtti, perdie! che mi me sciallo.

Moriamo tutti, perdio, ché io ci godo!

E dixendo coscì, sfroddro ö squaddron,

E dicendo così, sfodero lo spadone,

Piggio ûn sciœuppö e me ö metto a caregâ,

Prendo un fucile e me lo metto a caricare,

Me forniscio de balle e munizion,

Mi fornisco di pallottole e munizioni,

E fasso pe sciortî, pe andame a dâ,

E faccio per uscire, per andarmi a dare,

Ma poi quande son lì, pe infiâ ö pörtön,

Ma poi quando son lì, per infilare il portone,

Eccote mæ moggië bell'aquegâ

Eccoti mia moglie tutta prostrata

Che a m'abbranca a me strenze pe zenuggie

Che mi abbranca, mi stringe per le ginocchia

E a me cria: maio caö nö fâ de cuggie.

E mi grida: marito caro, non fare il coglione!

E a dixe che se sciorto, a ven le ascì

E dice che se esco, viene anche lei,

E a me mostra ö figgiœû che a l'ha in te brasse.

E mi mostra il bambino che ha in braccio.

A cianze, a l'ûrla, a cria, tanto che mì,

Piange, urla, grida, tanto che io

No so ciû cose digghe e cose fasse.

Non so più cosa dirle e cosa fare.

In to mentre che nöi atri stemmo lì,

Nel mentre che noialtri stiamo lì,

Mi pe andamene e lë perché nö passe,

Io per andarmene e lei perché non passi,

Me succede ûnn-a specie de portento

Mi succede una specie di portento

Che ö ne fa perde a voxe e ö sentimento.

Che ci fa perdere la voce e i sensi.

Ecco lì che in sce a testa a-o mæ Giulin,

Ecco lì che sulla testa del mio Giulino

Pâ de veddighe ûn fœugo che ö parpelle

Pare di vederci un fuoco che tremola

Comme quello dö spiritö de vin,

Come quello dello spirito di vino,

Senza toccâlö né brûxiaghe a pelle

Senza toccarlo né bruciargli la pelle.

Ö portemmo ädreitûa sotto ö brönzin,

Lo portiamo addirittura sotto il rubinetto,

Ghe cacciemmo de l'ægua in te çervelle,

Gli buttiamo dell'acqua in testa,

Ö crovimmo de strasse, ghe buffemmo,

Lo copriamo di stracci, gli soffiamo,

Ma scì balle, ciû femmo, meno femmo.

Ma macché! Più facciamo, meno facciamo.

Quande Anchise ö l'ha visto stö portento

Quando Anchise ha visto questo portento

(Tra parentesi, Anchise ö l'ëa mæ poæ)

(Tra parentesi, Anchise era mio padre)

Ö se misso a sbraggiâ tûtto contento:

Si è messo a sbraitare tutto contento:

Scialla scialla figgiœû nö ve sciatæ,

State allegri, ragazzi, non vi scomponete,

Ö l'é ûn miaco co-e cugge, in mæ zuamento,

È un miracolo con le palle, parola mia,

Ö l'é ûn prodigio da divinitæ;

È un prodigio della divinità;

Se l'é veo quanto diggö, Ente Supremö,

Se è vero quanto dico, Ente Supremo,

Danne ancon ûnn-a prœûva e ghe veddiemo.

Dacci ancora una prova e ci vedremo

Ö nö n'aveiva ancon finîo de dî

Non aveva ancora finito di dire

Queste parolle, che se sente ûn tron

Queste parole, che si sente un tuono

E ûnn-a stella, che a l'ëa de dâto a noî,

E una stella, che era accanto a noi,

Piggiâ ö volo diretta a settentrion,

Prende il volo diretta a settentrione,

C'ûnna striscia de lûxe da nö dî

Con una striscia di luce da non dire

E ûnn-a spûssa de povie da cannon,

E una puzza di polvere da cannone,

Che mæ poæ, dao miracolo convinto,

Che mio padre, convinto dal miracolo,

Ö s'é misso a sbraggià: me daggo vinto.

Si è messo a sbraitare: mi do per vinto.

Nö gh'ëa tempo da perdise in te balle,

Non c'era tempo da perdere in ciance,

Se vueivimo ëse pronti a fûtte ö can;

Se volevamo esser pronti a svignarcela;

Piggio mæ poæ, me ö carego in sce spalle,

Prendo mio padre, me lo carico sulle spalle,

Diggo a-o Giulietto che ö me dagghe man,

Dico a Giulietto che mi dia la mano,

E Creûsa inghœûggeitâ in to so scialle,

E Creusa, avvolta nel suo scialle,

A ne ven de derë poco lontan,

Ci viene dietro poco distante,

Poi diggo ai servitoi ch'ëan lì a aspetâ

Poi dico ai servitori che erano lì ad aspettare:

Stæ ben attenti a quello ch'ei da fâ.

State ben attenti a quello che avete da fare.

Piggiæ ö poco de bon che pûei portâ

Prendete il poco di buono che potete portare,

Sciortî e porte a ûn per ûn pe no dâ all'œggio,

Uscite dalle porte a uno a uno per non dare nell'occhio,

E pe stradde diverse, andæ a aspetâ

E per strade diverse, andate ad aspettare

Che vegnimmo noi ascì in sce quello schœûggio

Che veniamo anche noi su quella rupe

Dove gh'é unn-a capella rovinnâ

Dove c'è una cappella in rovina

E ûn bell'erböeto che ö me pâ d'ofeûggio,

E un bell'alberello che mi pare d'alloro,

Aôa in marcia, che chi nö se cûggionn-a

Ora in marcia, ché qui non si scherza,

E preghæ i santi, che ve a mandan bonn-a.

E pregate i santi che ve la mandino buona.

Se mettemmo in cammin, ciancianinetto.

Ci mettemmo in cammino, pian pianino,

Pë e stradde ciû sarvæghe e abbandonæ,

Per le strade più fuori mano e deserte,

Mi che ignoravo cose ö l'ëa ô spaghetto,

Io che ignoravo cosa fosse la fifa,

Aôa eo pin de spavento e d'anscietæ;

Ora ero pieno di spavento e d'angoscia;

Finalmente arrivemmo a ûn carogetto;

Finalmente arrivammo a un vicoletto

Che ö metteiva da-e porte da Çittæ,

Che portava alle porte della città,

Quando sento di passi pe derë

Quando sento dei passi dietro,

E ö poæ ö sbraggia figgiœû l'emmo a-o panë.

E il padre sbraita: figliolo, ce li abbiamo al paniere!

Perdo a bûscioa ädreitûa, cöro, m'infio

Perdo addirittura la bussola, corro, mi infilo

Dove n'aveivo mai misso de pë,

Dove non avevo mai messo piede,

Me poso ûn pô, torno a piggià l'asbrîo

Mi fermo un po', torno a prendere lo slancio

Senza mai dame mente pe derë,

Senza mai badare a ciò che sta dietro,

E frattanto che cöro e no me gîo

E mentre corro e non mi giro

Ecco li, che mi perdo mæ moggië,

Ecco lì, che perdo mia moglie,

Né me n'accorso mai, scinn-a a-o momento,

Né me n'accorgo mai, fino al momento

Che arrivo ao scîto dell'appuntamento.

Che arrivo al luogo dell'appuntamento.

Sciâ se pœû immaginâ, che crï, che centi

Si può immaginare che grida, che lamenti

Quande ho visto che lë a n'ëa ciû con noî,

Quando ho visto che lei non era più con noi,

Se n'ho tioû zû dì tacchi e di aççidenti,

Se ne ho tirati giù di moccoli e di accidenti,

Se n'ho dîto e sbraggioû de tûtti i coî;

Se ne ho dette e sbraitate di tutti i colori;

Lascio Giulio e mæ poæ, co-i pochi argenti,

Lascio Giulio e mio padre, coi pochi argenti,

In custodia di nostri servitôi,

In custodia dei nostri servitori,

E m'asbrio testa e cû, torna inderë

E mi lancio a rotta di collo, di nuovo indietro,

Deciso a tûtto, pe trovâla lë,

Deciso a tutto, per trovarla.

Rifassö ö mæ cammin, torno in çittæ

Rifaccio il mio cammino, torno in città

Amiando dapertûtto e inûtilmente,

Guardando dappertutto e inutilmente,

Piggio a stradda da dove êimo passæ,

Prendo la strada da dove eravamo passati,

A ciammo a perdifiato e a no me sente,

La chiamo a perdifiato e non mi sente,

Poi ritorno corrindo a casa mæ

Poi ritorno correndo a casa mia

Pe vedde, chi sa mai, se pe aççidente

Per vedere, chissà mai, se per caso

A se ghe fosse torna andæta a asconde

Ci fosse tornata a nascondersi

Pe aveime perso senza savei donde.

Per avermi perso senza sapere dove.

Ma scì balle, a mæ casa a l'ëa za pinn'a

Ma macché! La mia casa era già piena

De Greci che ne favan ö bordello,

Di Greci che ci facevano il bordello,

Sciamme, zimme, tissoin, fûmme, rovinn-a

Fiamme, faville, tizzoni, fumo, rovina

L'aveivan za cangiâ in t'un Mongibello;

L'avevano già cambiata in un Mongibello;

Torno indietro de corsa e vaddo scinn-a

Torno indietro di corsa e vado fino

A-o Palazzo dö Re, poi da-o Castello.

Al Palazzo del Re, poi al Castello,

Ai Portici, in te gexe ch'ëan stivæ,

Ai Portici, nelle chiese che erano stipate

De mobili, de roba e de dinæ.

Di mobili, di roba e di denaro.

E metteivan lì tûtto, in sci artæ,

E mettevano lì tutto, sugli altari,

In tæra, a futticû, pë sacrestie,

Per terra, alla rinfusa, per le sacrestie,

Vasi, gioielli, mobili indoræ,

Vasi, gioielli, mobili indorati,

Argenti, prie preziose e drapperie,

Argenti, pietre preziose e drapperie,

Ommi, donne, gardetti incâdenæ

Uomini, donne, ragazzini incatenati

Che mandavan di lûi da scciappâ e prie,

Che mandavano lamenti da spaccare le pietre,

Ma scì cuggie, nö a veddö pe ûnn-a potta

Ma macché! Non la vedo da nessuna parte

E me metto a giâ indietro ûn'âtra votta.

E mi rimetto a tornare indietro un'altra volta.

Senza savei, che pesci ciû piggiâ,

Senza sapere più che pesci pigliare,

A ciammo pe sô nomme in tûtti i canti,

La chiamo per nome in tutti gli angoli,

Tûtt'assemme, me a veddo capitâ

Tutt'a un tratto, me la vedo comparire

Ben ciû grande dö solito davanti

Ben più grande del solito, davanti,

Me se særa ö respîo, me ven da suâ,

Mi si serra il respiro, mi viene da sudare,

Ciammo aggiuttö ä madonna e a tûtti i santi,

Chiamo aiuto alla madonna e a tutti i santi,

Ma lë ciancianinetto a s'avvixinn-a

Ma lei, pian pianino, si avvicina

E a se mette a dî, co-a sô voxinn-a:

E si mette a dire, con la sua vocina:

Compagno di mæ giorni fortunæ

Compagno dei miei giorni fortunati,

Percose ti te sciâti inutilmente?

Perché ti affanni inutilmente?

Pe nö fâme divedde a tô anscietæ

Per non farmi vedere la tua ansia

E a noia de viaggiâ fra tanta gente!

E la noia di viaggiare fra tanta gente!

Iddio, che ö nö fâ e cose pe meitæ,

Iddio, che non fa le cose a metà,

Ö m'ha fæto creppâ d'ûn aççidente:

Mi ha fatto crepare d'un accidente:

A-oa a l'é comme a l'é, se devo dî

Ora è come è, e se devo dire,

Nö me pâ vëo de n'avei ciû da mûî.

Non mi par vero di non dover più morire

Ö sô ben, che pe ûn pô te rincresciâ

Lo so bene che per un po' ti dispiacerà,

Pe nö savei döve appussâ ö pennello,

Per non sapere dove pucciare il pennello,

Ma ûn pô de diëta a nö te fâ dö mâ,

Ma un po' di dieta non ti fa male,

Tanto ciû che ti në manco ciû noëllo

Tanto più che non sei più novello,

Ma quando ti sæ lesto de viaggiâ,

Ma quando sarai pronto a viaggiare,

N'aggite pûia che ti appendiæ ö cappello

Non aver paura che appenderai il cappello

E in t'ûnn-a botta ti troviæ a luçia,

E in un colpo troverai la susanna,

A gloria, l'abbondansa e a scignoria.

La gloria, l'abbondanza e la signoria.

Atro nö t'ho da dî bello marîo,

Altro non ho da dirti, caro marito,

Che ti pensi a-o figgiêu che t'ho lasciôu,

Che tu pensi al figliolo che t'ho lasciato,

Tîtelo sciû, pin de timö de Dio,

Tiralo su, pieno di timor di Dio,

Bravo comme sô poæ, ben edûcôu.

Bravo come suo padre, ben educato.

Vœûggime ben, mîa de sta allegro, e addio.

Voglimi bene, bada di star allegro, e addio.

A sparisce e mì resto abbellinou,

Sparisce e io resto sbalordito,

Çerco de dâghe ancön l'ûrtimo abbrasso,

Cerco di darle ancora l'ultimo abbraccio,

Ma sbatto l'aia, senza strenze ûn casso.

Ma sbatto l'aria, senza stringere un cazzo.

Fûto, fûto pensando a-i caxi mæ,

Pallido, pallido, pensando ai casi miei,

Sön törnôu dâ capella rovinâ

Son tornato alla cappella in rovina

Döve gh'ëa con mæ figgiö e con mæ poæ

Dove c'era, con mio figlio e con mio padre,

Ûnn-a folla de gente radûnâ

Una folla di gente radunata

Pronta a dividde e nostre avverscitæ

Pronta a condividere le nostre avversità,

Seguitandone in tæra comme in mâ:

Seguendoci per terra come per mare:

Troia a l'ëa ûn fôu... nö gh'ëa da fâ ûn bellin,

Troia era un manicomio... non c'era un cazzo da fare,

Dunque, ho dîto, mettemöse in cammin.

Dunque, ho detto, mettiamoci in cammino.